MARKA 3:8 - Khumi Common Language Bible

⁸ naibaly mymy i atiti sa nai lyh awm parai nai satang thai iy, Judai pri i dengdairei hawi, Jerusalem avang i dengdairei hawi, Idumai pri i dengdairei hawi, Jordan vai i dengdairei hawi, Tura hawi Sidon avang tengtang i dengdairei py khumi mipui ka-teng ny y nai mymy teng y chei teang.

MARKA 3:8 Iomraidhean Croise

SAM 45:12

Turu pri khumichi ly nang teng y langseaungchi syn pi ai. Nang chawn nai khumichi ly nang teng i meimai nga ai nai atho sa u ai.

SAM 87:4

Mymy i leu pei nai ly “Kai i leu tangai nai prichi amyn la nai khala, Aikupta pri hawi Babulon pri tabawi ai; Philistin pri, Turu pri hawi Ethiopia pri i khumichi py, Jerusalem mary i khumichi amyn la naira y tabawi ai.

ISAIA 34:5

Areng ly kani pri mang y haisau pa yb iy, taphra ai nai angchi yb nai Edom khumichi tlang tleaung y tym hai ai.

Ezekiela 35:15

nang phra nai thym khala py, khaileaung pri verei amo theu u ai nai, kai ly nang ai khumi angso savai tlang nai meingtym lawm hai ai. Seira mawi napi nai Edom pri verei ly khumi angso savai tlang nai meingtym lawm ai. Huna nai khala kai ly Areng ne, nanai khumi lutengchi my pany ai,” napi.

Ezekiela 36:5

Sa thai naira angym nai kai, Areng ly tengpang prichi hawi, Edom pri tlang tleaung y khrikhri pa-rei kado theu hai i, hina nai leu thui bo. Nichi ly kai i pri y mei anui y nai paleung, amo theu seu nai paleung hawi sui tlairachi raurei, kai i pri la u vui nai ne.

MATTHAI 11:21

“Aw Korazin awi! Nang ly taham si! Aw Bethsaida awi! Nang ly taham si! Nangni i meingtym y atiti rengrang sa naichi ly Tura hawi Sodom avang y sa nai ne iy khyly, nini ly jangni ka-so paisiu kanih akhiu iy, maiphu ataphum naimy uikhei pawn ai bo.

MATTHAI 4:25

Naibaly Kalili pri i dengdairei hawi, Dekapoli meingtym avang i dengdairei hawi, Jerusalem avang i dengdairei hawi, Judai pri i dengdairei hawi, Jordan vai mang i nai py khumi mipui ka-teng ny y nai mymy ai hui u bo.

MARKA 7:24

Naibaly mymy ly angthau iy hu i dengdairei theu i, Tura hawi Sidon ka-peang y chei. Naibaly mymy ly yhm y kun iy, ami pany ai nai py ngai y; na i py mymy ly aheu pajau y.

MARKA 7:31

Naibaly mymy ly Tura pri i dengdairei theu bi iy, Sidon avang mang tako leu i Dekapoli pri y tako prei nai Kalili ang y tym.

LUKA 6:17

Naibaly mymy ly nichi hawi vanrei chei kathiu i adym y angdo iy, ni teng y abang nai khumi mipuichi hawi Judai pri meingtym tleirei hawi, Jerusalem hawi, Tura hawi Sidon pangli peang i nai py khumi neangneang awm teang i, ni i leu tangai ai nai hawi nichi i no hawi sa pi ai nai py jeu u nai ne;

JOSUA 15:1

Juda theaung yhm dengtheungchi nga nai khu ka-peang ly hinichi ne. Juda theaungchi i khu ka-peang ly, tokalawi mang Edom pri khujyh ra awm nai Zin daichi ka-vym i tokalawi katem y khrairei ne.

JOSUA 15:21

Edom pri khujyh sahawi khu ka-peang tokalawi katem i nichi amtym nai marychi ly: Kabzila mary, Eda mary, Jakura mary,