MARKA 2:5 - Khumi Common Language Bible

⁵ Hunaibaly Isu ly nichi i ym nai sai niu i, kamkhyn no nai khumi teng y, “Deang awi, nang i kamngochi ly pahen bo mang,” napi.

MARKA 2:5 Iomraidhean Croise

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

SAM 103:3

Mymy ly kai i kamngo bawibawichi palawi pi iy, kai i no-na bawibawichi py, hawi ang sa pi nai ne.

ISAIA 38:17

Kai i paleung bi naira ly paleung savairu nai mang y amtlau vui ai. Nang ly kai i tlang ai ka-jeira cheaungkhangra i nai atleupi bo. Kai i kamngo ngierei py pahen pi bo.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

MATTHAI 9:2

Naibaly khen cham, kamkhyn no nai khumi leaungrei ai ira tleaung y aseaung naimy mymy teng y angjeaung u bo: naibaly Isu ly mymychi i ym nai sai niu i, kamkhyn no nai khumi teng y, “Deang awi! Paleung awmnem naimy awm ba: nang i kamngochi ly pahen bo mang,” napi.

MATTHAI 9:22

Naibaly Isu ly hi iy ni ai niu i, “Lo awi! Paleung awmnem naimy awm ba. Nang i ym naira my ang hawihai nai bo,” napi. Naibaly huni neampachy ly huni neng khypkhyp y my hawi ryp bo.

MATTHAI 9:5

‘Nang i kamngochi ly pahen bo mang, napi nai hawi, ‘Angthau ly tako jau, napi nai ly mani thui ai nai rai y keh mo?

MARKA 2:6

Naibaly Reita patiu nai keung phyreichi ly hunira y ateh u i, “Hini khumi ly ati mana nai hinai kamta thui lawh ly?

MARKA 5:34

Naibaly mymy ly ni teng y, “Lo awi, nang i ym naira my nang ai ang hawihai nai bo; awmnem naimy tako ly, nang i no naira ly hawi jo jau sy,” napi.

LUKA 5:20

Naibaly mymy ly nichi i ym nai sai niu iy ni teng y, “Deang awi, nang i kamngochi ly pahen bo mang,” napi.

LUKA 8:48

Naibaly ni my ly mymy teng y, “Lo awi, nang i ym naira my ang hawihai nai bo, awmnem naimy tako ba,” napi.

JOHAN 2:25

ati mana nai mo nabaly mymy kypkyp ly khumi i paleung theung y awm nai ngierei pany.

JOHAN 5:14

Huni bo y ly Isu ly mymy ai achura yhm kalen pui y niu i ni teng y, “Khen cham, nang hawi bo he; kamngo so bi moh, ti y baly nang i tlang tleaung y hawi y keh nai tym lawh na,” napi.

AMTAW 11:23

Naibaly mymy hu y tym nai khala y ly Tameuh i pahenra niu i khri pa-rei kawn na, nichi bawibawi ai Areng ai hawihai palai amkhaw cheng ai nai pachei;

AMTAW 14:9

Huni khumi ly Pawla i leu thui nai tangai; naibaly Pawla my ly mymy ai khen jo iy, no hawi ai nai ym naira awm, nanai pany i athorei my, “Nang i kheu y kataw angdo,” napi.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

I KORINTH 11:30

Hunai deaungkho y chy bo, nangchi theung y khumi neangneang ham y nai no angdo nai ly, i naichi py maidenrei khyh ny y leang.

II KORINTH 2:10

Na i py ati cheaungkhangra y py ami ai nangchi my pahen nai ngierei ly kai py pahen teang; kai py kapahen chum angchi nai ly, atiti py kapahen baly, nangmychi deaungkho y Krista i mo y ly kapahen nai ne;

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

KOLOSA 3:13

ami py ami i tlang tleaung y leu hawi y naira awm iy py mang mang amnym u leungtang nai apahen u; Areng my ang pahen nai kamta khyp my apahen u teang;

JAKOB 5:15

naibaly ym nai chiu sa nai ly no nai ai hawihai iy Areng my ly ni ai pathau ai; naibaly mymy ly atiti kamngo sa lawh baly pahen pi ai.