MARKA 15:43 - Khumi Common Language Bible

⁴³ Josepha, Arimathai avang i khumi, tara chih nai keung tahm asang parai nai, Tameuh i peang nai tym ai nai athang khai nai khumi ly chei i, vam parai naimy Pilata teng y kun iy, Isu i veu hnei.

MARKA 15:43 Iomraidhean Croise

MATTHAI 19:30

Na i py kangman keh y awm nai khumi neangneangchi ly kangkhym kangtem y awm ai; kangkhym kangtem y awm naichi ly kangman keh y awm ai.

MATTHAI 20:16

Hunai kamta kangkhym kangtem nai ly kangman y awm ai i, kangman keh nai py kangkhym kangtem y awm ai,” napi.

MATTHAI 27:57

Naibaly dym mang y ly Arimathai avang i khumi kanang leaungrei, Josepha napi nai ly jeu i, mymy kypkyp py Isu ai ym nai khumi ne teang;

MARKA 14:54

Naibaly Petera ly pathyp pi nai keung kalen keh nai i lyum y tym pa-rei kamlo dengdairei mymy ai hui pajyh; naibaly mymy ly miseaungchi hawi ateh i, mai kangvang y aawm teang.

MARKA 15:44

Naibaly Pilata ly huna nai dei praw nai ly khri pa-rei lyh na i, tavaimi chungvairei lu ai palau iy, dei nai ly kra bo mo, nanai deng.

LUKA 2:25

Naibaly khen cham, Jerusalem y ly amyn Simeon khumi leaungrei awm: huni khumi ly khumi kahawi hawi, Tameuh ai dawn parai nai khumi ne: Israelachi ai awm hai nem nai keung ai ly ajeng: mymy teng y Phailo Kachai awm.

LUKA 2:38

Hunai thym khala y mymy ly jeu khyp i Tameuh teng y kawn nai leu thui i, Jerusalem atleu ai nai athang khai nai ngiereichi teng y ly ni i satang thui pi.

LUKA 23:50

Naibaly khen cham, khumi leaungrei amyn ly Josepha, tara chih nai keung, khumi meitang hawi khumi kahawi awm.

LUKA 23:51

(Mymychi i tara chih nai hawi atiti sa nai py avo tapi y nai bo.) Judachi i avang Arimathai i khumi ne, Tameuh i peang nai ly tym ai nai athang khai reng nai ne.

JOHAN 19:38

Naibaly huna naichi sa nai bo y ly Josepha Arimathai avang i khumi, Isu teng y abang teang (ne mang ly Judachi ai jei nai deaungkho y kangviu y abang) ni ly Isu i veu la vui ai nai Pilata teng y hnei. Naibaly Pilata my pei i ni ly jeu iy veu la veng bo.

AMTAW 13:50

Na i py Judachi ly tahm asang nai hawi Tameuh ai tahm khai nai neampachychi ai hawi, avang miteaung kehchi ai py pachei i, Pawla hawi Barnaba nini ai ly ana hai piupa iy, mymychi i meingtym dengdairei nini ai patheu bo.

AMTAW 17:12

Hunai deaungkho y nichi theung y khumi neangneang ym; Krik neampachy tahm asang naichi hawi, neampacho nawi rawm naichi py.

PHILIPI 1:14

Naibaly Areng y amjo amnau nawi kyh naichi py kai ai kawm nairachi deaungkho y ym cheng iy, jei y naimy Tameuh i leu thui pi naira y ly khri pa-rei vam nai tleaung y vam ra nai ne.