MARKA 14:21 - Khumi Common Language Bible

²¹ Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly ni i vui hawi keh alam ai,” napi.

MARKA 14:21 Iomraidhean Croise

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

SAM 55:15

Kai i paleung ka-echi ly dei kani tym y naimy dei u sy; kangheng tang naimy tavau kho y chei u sy! Nichi i yhmchi ly hawi y naira kawi nai meingtymchi ne; nichi i paleung ly hawi y naira kawi na bo.

ISAIA 52:14

Khumichi ly ni ai niu nai khala y, phailo seaung u bo. Ni ly khri pa-rei mo-cha phra nai deaungkho y, khumi hawi py atawm y na bo.

DANIELA 9:24

“Saneng vui saryh nai meingtym saryhrei nai neng ly nang i chengchi hawi nang i chai parai nai mary ai kamngo hawi, hawi y naira i nai, lawi hai ai nai Tameuh my khai pi takhra nai neng ne. Amteng hai nai hawi amo leu teng khyp nai sai pany hai ai nai hawi, chai parai nai Achura yhm khai takhra teang ai nai molam, Tameuh ly nichi i kamngochi pahen iy, deungtasarei leu meitang adyh adawi nai deung tym ai.

DANIELA 9:26

Naibaly neng kani dym nai khala y, Tameuh my vawi nai miteaung keh ai ly khumi hawi y naimy padei vui ai. Kangkhym y tym iy atho awm nai samrang leaungrei i tavaimichi ly Jerusalem mary hawi Achura yhm taphra u vui ai. Kangkhym y ly Tameuh my sa yb nai kamta, tavai atiu nai hawi taphra naira ly tym iy, tuibai theu nai kamta kangkhym i neng ang tym ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

MATTHAI 26:54

Na i py katakeng baly hina nai kamta awm ai nai tla, nanai Tameuh i cha-iu leu ly mana tym thai ai mo?” napi.

MATTHAI 26:56

Na i py amochi i leu tym thai ai nai hini bawibawi ly tym nai bo he,” napi. Hunai thym khala y ly abangnaichi bawibawi ly mymy ai patlaw su i angpreng pi pawn veng.

MARKA 14:20

Naibaly mymy ly nichi teng y, ‘Holai nyhrei theung i leaungrei, bikheaung y ang tapo hai nai keung ne.

MARKA 14:22

Naibaly nichi ly cha u nai thym khala y mymy ly tako la i, kawn nai leu thui pajau iy theng baw theng baw i nichi teng y pei,” “Lo u; hini ly kai i tlang ne,” napi.

MARKA 14:49

Achura yhm kalen pui y kani tleirei leu kang patiu nai ateh iy ly kai ai patiu u y; na i py Tameuh i cha-iu leu tym thai ai nai chy bo hi ly,” napi.

LUKA 22:22

Thui yb nai kamta Khumi i Chapo ly chei takengkei ai, na i py ni ai patiu hai ai nai keung ly taham si!” napi.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 19:28

Hunai bo y Isu my vai ly ati cheaungkhang angym bo, nanai pany i, Tameuh i cha-iu leu sai tym thai ai nai “Kai tui ahai,” napi.

AMTAW 1:25

hini krykeung kalop hawi amtaw thau nai kalop i jeng y awm ai nai, hinini khumi leaung nyhrei ai nangmy mani ai vawi mo, nanai kaichi ai pany hai kyh ba,” napi.

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

AMTAW 4:27

Hini avang y ly nang i Miseaung kachai nang i rimui paju nai Isu i tlang tleaung y ly nang i kiu hawi paleung y tym ai nai khai takhra rym nai ngierei ly sa ai nai,