MARKA 13:7 - Khumi Common Language Bible

⁷ Naibaly nangchi ly atiu nai leu hawi atiu nai satang kamthang thai nai khala y ly paleung bi u moh; hunichi ly tym ai nai angchi yb teu; na i py tem ai naira ly tym y leang rai.

MARKA 13:7 Iomraidhean Croise

2 SAMUELA 14:14

Achi bawibawi ly dei ai nai khumichi ne. Achi ly khaileaung y beu nai tui hawi atawm. Huni tui ai vei teang ai nai ngo y leang bo. Tameuh malawn py, dei nai khumi ai heng hai teang y leang. Na i py samrang ly pri palacho leaungrei ai, palau teang pajau nai ne.

SAM 112:7

Hunai deaungkho y ni ly satang hawi y naichi thai ai ny y; ni ly Areng ai ym nai khumi ne nai deaungkho y, ni i paleung ly khaw nai ne.

SAM 27:3

Tavaimi kamkawm pui harei my kai ai ang katanmeuh teu i py, kai ly jei y ai. Kai i paleung ka-echi my malawn py kai ai tiu lawh teu i py, kai ly Tameuh ai ym ai.

LEU KACHENG 3:25

Nang ly khumi hawi y naichi i tlang tleaung y ali kamchai kamta, vaimy tym miu reng nai patangra ly avum ai, nanai paleung mawn moh.

ISAIA 8:12

“Nang ly huni khumichi i dawn tau naira y abawi moh. Nichi i jei hyn naira y jei moh.

JEREMIA 51:46

Nangchi thai u nai satang kamthangchi deaungkho y jei u moh ly, paleung phra u moh. Saneng tlei tleirei satang takhra takhra amthang reng. Pri theung y khrukhra nai satangchi, samrang leaungrei hawi leaungrei tavai atiu nai satangchi amtang reng nai ne.

MATTHAI 18:7

“Atlym hai nairachi deaungkho y khaileaung pri ly taham si! Atlym hai naira awm ai nai angchi yb nai teu, na i py atlym hai naira tym hai nai keung ly taham si!

MATTHAI 2:3

Naibaly samrang Heroda hawi Jerusalem avang i khumi bawibawichi py huna nai thai baly paleung bi u bo.

MARKA 13:6

Ati mana nai mo nabaly khumi neangneangchi ly, “Kai ne he” nanai kai i amyn angam nai ang jeu ai i, khumi neangneangchi ai tapawp ai.

MARKA 13:8

Cheng takhra hawi cheng takhra atiu ai i, pri takhra hawi pri takhra atiu ai; meingtym takhra takhra y kaleih py theu ryry ai; takang py theu ai.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

AMTAW 17:3

Krista ly ngari patang ai nai hawi, kadeichi theung i dengdairei angthau bi ai nai angchi yb nai saichi py chai pyn pa-rei thui pi pachai i, “Hini Isu, mymy i leu kang thui pi nai ly, mymy ly Krista ne,” napi.