MARKA 13:6 - Khumi Common Language Bible

⁶ Ati mana nai mo nabaly khumi neangneangchi ly, “Kai ne he” nanai kai i amyn angam nai ang jeu ai i, khumi neangneangchi ai tapawp ai.

MARKA 13:6 Iomraidhean Croise

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

MATTHAI 24:11

Amo tapawp naichi py neangneang theu ai i, khumi neangneangchi ai tapawp ai.

MATTHAI 24:5

Ati mana nai mo nabaly khumi neangneangchi ly, ‘Kai ly Krista ne, nanai kai i amyn angam nai ang jeu ai i, khumi neangneangchi ai tapawp ai.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

MARKA 13:5

Naibaly Isu my nichi teng y thui amteaung i, “Nangchi ai ami my tapawp y ai nai tau tleaung y awm u.

MARKA 13:7

Naibaly nangchi ly atiu nai leu hawi atiu nai satang kamthang thai nai khala y ly paleung bi u moh; hunichi ly tym ai nai angchi yb teu; na i py tem ai naira ly tym y leang rai.

JOHAN 5:43

Ngaai i amyn y kang jeu nai i, nangchi ly kai ai kawn y; khumi takhra ly amy i amyn y jeu i khyly ni ai ly nangchi my kawn ai.

JOHAN 8:24

Hunai deaungkho y chy bo, ‘Nangchi i kamngo awm jo naimy dei u ai,’ kang napi nai ly; huni ly kai ne, nanai nangchi ym y baly, nangchi i kamngo awm jo naimy dei u thle thle ai,” napi.

JOHAN 8:28

Hunaibaly Isu my, “Hini ly kai ne, nanai hawi, kaimy i adawn nai kamta sai py kaso y naimy Ngaai my kai ai patiu nai kamta hini atitichi kathui, nanai py nangchi ly Khumi i Chapo ai dang nai bo y pany u ai.

I JOHAN 4:1

Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.