MARKA 13:1 - Khumi Common Language Bible

¹ Naibaly mymy ly achura yhm kalen pui i nai theu nai thym khala y abangnaichi theung i nai leaungrei ly mymy teng y, “Sara awi, khen cham, hini lengseaung py yhm py mana tanrei na mo?” napi.

MARKA 13:1 Iomraidhean Croise

JEREMIA 51:61

Kai ly Seraiah teng y, “Nang ly Babulon mary y tym nai khala, hini cha aeang theung y tajiu nai ngiereichi ai khumichi teng y, tao pajeng parai naimy phain pi ai nai tami moh.

Ezekiela 10:19

Nichi ly mymychi i pakhichi kadai iy kai i mei ka-niu y my, khaileaung i nai salo mang y akheang kalau. Huna nai khala amlira kheuchi py abawi rau. Heng nai amjychi ly Achura yhm nisi mang i katheu pa-khora y anawn u bo. Israela chengchi i Tameuh i nang parai nai kangvang py nichi i tlang tleaung y awm nai ne.

Ezekiela 10:4

Areng i nang parai nai kangvang ly huni heng nai amjychi salo y angteang kalau iy, Achura yhm y kun nai pa-kho mang y asyh vui bo. Naibaly Achura yhm ly khupanym my kawi na i, apai ly Areng i nang parai naira hawi angvang phang nai ne.

Ezekiela 8:6

Tameuh my kai teng y, “Nang khumi cho awi, nichi i sa nai leaungsai nang niu lo-oh? Hini meingtym y Israela chengchi i sa nai amso ngai naichi khen cham; nichi ly kai ai meingtym kachai hawi palo tleaung palora naira mang y ang paryh bo. Nang ly hunichi tleaung y amso ngai hawi naichi malawn py niu ai,” napi.