MARKA 12:14 - Khumi Common Language Bible

¹⁴ Hunaibaly nichi ly tym u i mymy teng y, “Sara awi, nang ly khumi meitang ne, nang ly ami ai py meimai akhen y, nanai kaichi pany: ati mana nai mo nabaly nang ly khumi ami ai py patle takhra lawh y naimy Tameuh i lam y py leu meitang khyp naimy patiu reng. Kaisara teng y akeu pei nai ly pei ngau a pei ngau y a?

MARKA 12:14 Iomraidhean Croise

2 NENG SATANG 18:13

Na i py Mikaia my, “Kai ly Areng i leu pei nai kamta thui pi ai, nanai heng nai Areng i amyn y adeu naimy kathui bo!,” napi.

2 NENG SATANG 19:7

Areng ai jei kaji naimy, hawihai palai so u. Ati mana nai mo na baly achi i Areng Tameuh ly li-tapawp nai, meimai khen patleh nai, un cha naichi ai niu ngai y nai deaungkho y ne,” napi.

NEHEMIA 9:37

Kaichi ly kamngo sa tamang nai deaungkho y, hini pri i theu nai amti amjangchi ly kaichi ai nangmy peang hai nai samrangchi my amtym u veng nai ne. Huni samrangchi ly kaichi hawi kaichi i tawnbawichi ai, mymychi ngaingai teaung u. Hunai deaungkho y kaichi ly khri pa-rei patang u nai ne.

SAM 120:2

Aw Areng, ka-chawi thui reng naichi hawi tapawp hyp reng nai khumichi kiu i nai kai ai atleu kyh ba.

SAM 55:21

Ni i leuchi ly thobai tleaung y panai iy, ni i paleung theung y ly niu ngai y reng nai ka-dawnchi awm; ni i leuchi ly asitui kamta panai i py, chiu parai nai haisau kamta, tamokalem nga hai reng nai ne.

JEREMIA 42:20

Nangchi ly khrikhri pa-rei tamang u bo, nanai vai, nangchi teng y pany hai bo. Nangchi ly ‘Kaichi i vui Areng Tameuh teng y chiu so pi kyh ba. Nang teng y leu pei nai ngiereichi py, kaichi teng y thui pi pateang ba. Kaichi ly mymy i leu pei nai kamta sa ai,’ nanai thui ai nai kai ai nangchi i Areng Tameuh teng y pato u bo.

MIKHA 3:8

Na i py kai ly Israela chengchi teng y mymychi i sa tamang naichi pany hai ai nai Areng i phailo sa thai naira, leu meitang naimy tara chih pajau nai haiho hawi sorai paleung kawi angym bo.

MATTHAI 22:16

Naibaly nichi ly mymychi teng y abangnaichi hawi, Heroda i kamkawmchi ai mymy teng y pato i hunichi my ly, “Sara awi, nang ly khumi meitang ne, Tameuh i lam y py leu meitang khyp naimy patiu iy, ami ai py meimai akhen y, nanai kaichi pany: ati mana nai mo nabaly nang ly ami ai py patle takhra lawh nai py by y.

MATTHAI 22:17

Hunaibaly nang ly mana dawn mo? Kaichi ai thui pi cham. Kaisara teng y akeu pei nai ly pei ngau a pei ngau y a?” napi.

MARKA 12:13

Naibaly nichi ly mymy i leu thui naira y patiu thai ai nai Pharisaichi hawi, Heroda i kamkawm amichi ai mo py mymy teng y pato.

MARKA 12:15

Kaichi ly pei ai a, pei y ai a?” napi. Na i py mymy ly nichi i tapawp nai sai ly pany i nichi teng y, “Ati mana nai kai ai cham u mo? Pia vui pangrei nai tangka cho lo u, khen cham si,” napi.

MARKA 14:45

Hunaibaly ni ly tym bo nabaly mymy teng y chei praw i, “Rabbi,” napi nai ni ai pachawm.

LUKA 20:22

Kaichi ly Kaisara teng y akeu pei nai ly pei ngau a pei ngau y a?” nanai deng.

LUKA 23:2

Naibaly nichi ly, “Hini khumi ly kaichi i cheng ai taphra ai nai Kaisara teng y akeu cheaung ai nai py paka i, Krista, samrang amlawn, nanai kaichi pany,” nanai seu amteaung bo.

JOHAN 7:18

Ami py amy i leu paseang iy thui nai ly amy ai apalo naira hau nai teu; pato nai keung ai palo naira hau nai ly huni khumi kypkyp ly meitang ne, mymy teng y ly hawi y naira den py by y.

ROM AVANGCHI TENG Y PAWLA I CHA PA NAI 13:6

Hunai deaungkho y nangchi ly akeu py pei u chy bo; huni atiti sa jojo ai nai nichi ly Tameuh i kalop sa nai keungchi ne.

II KORINTH 2:17

Khumi neangneangchi ly amichi ai tapawp ai nai Tameuh i leu ai ly ka-pai sa ai nai teaung u nai kamta kaichi ly teaung y leang; kaichi ly meitang khyp naimy Tameuh my ang pato nai, Tameuh i mei ka-niu y Krista y ly leu thui nai ne.

II KORINTH 2:2

kaimy nangchi ai paleung kang mawn hai lawh baly, kai ai paleung mawn hai nai keung my ne teang y baly, kai ai kawn hai ai nai keung ly ami awm mo?

II KORINTH 4:1

Hunai deaungkho y kaichi ly pahen naira nga nai kamta hini krykeung kalop sa ai nai awm nai deaungkho y kaichi ly paha y leang;

II KORINTH 5:11

Hunaibaly Areng ai tahm khai naira pany iy, kaichi ly khumichi ai parawi nai ne, kaichi ly Tameuh teng y naini amteng ai nai awm; nangmychi i hawi nai hawi y nai pany naira y py kaichi ly amteng ai nai athang kakhai.

II KORINTH 5:16

Hunai deaungkho y kaichi ly vai i dengdairei tlang mang y ly ami ai py pany y; kaichi ly tlang y Krista ai ly pany chum teu iy py, vai ly mymy ai pany y leang bo.

KALATIA 1:10

Ti y baly vai kai ly khumi ai kaparawi nai a? Tameuh ai a? Khumichi ai kawn hai ai nai katau nai a? Vai khumichi ai kawn hai nai kaawm rai baly, kai ly Krista i miseaung ny y ai bo.

KALATIA 2:6

Na i py khumi kalen y palawn naichi (mani mo khumi ka-tawn py ne sy, kai i vui y ati sai py ny y leang; Tameuh ly ami ai py patle takhra y), nichi khumi kalen kyh y palawn naichi teng i nai kai ati sai py panawi bi y leang, kang napi.

Leu Thui Nai 16:19

Nichi ly tara chih nai khala teng y nai hawi meimai khen ai nai tlo y, un tangka py cha ai nai tlo y. Huni un langseaungchi ly khumi kachengchi hawi khumi kahawichi i mei paju hai iy, tara lam tamang hai reng nai ne.

I THESALONIKA 2:4

na i py Tameuh my kaichi ai avo, napi iy Satang Kahawi ang kry hai nai kamta khyp my khumi ai kawn hai nai kamta ny y naimy, achi i paleung ai ang cham nai keung Tameuh ai kawn hai nai leu thui nai teu.