MARKA 11:23 - Khumi Common Language Bible

²³ Meitang khyp kang thui pi, ami py hini mawi teng y, ‘Asyh ly, pangli tui y aphi vui,’ napi iy, ni i paleung y ym thai y nai by y naimy, mymy i thui nai ly tym takengkei ai, nanai ym nai ngierei ly nga takengkei ai.

MARKA 11:23 Iomraidhean Croise

SAM 37:4

Areng teng y amo theu naira hau; hunaibaly mymy ly nang i ngai nai angym hai ai.

MATTHAI 14:13

Naibaly Isu ly huna nai thai i, hu i dengdairei paleaung mang daichi ka-vym meingtym y chei takhra bo. Na i py khumi mipuichi ly pany iy avang i dengdairei kacheng mang mymy ai hui u bo.

MATTHAI 17:20

Naibaly mymy ly nichi teng y, “Nangchi ly ym naira di nai deaungkho y teu. Meitang khyp kang thui pi, nangchi ly anmawi hm amairei kamta ym naira awm baly, hini mawi ka-sang teng y, ‘Hi i nai huni meingtym y asyh,’ napi ai i asyh ryp ai; nangchi i vui so thai y nai sai py awm ai ny y ai.

MATTHAI 21:21

Naibaly Isu my nichi teng y, “Meitang khyp kang thui pi, nangchi ly ym naira awm iy, ym thai y nai by y baly, nangchi ly thaidu keung y sa nai kamta sa khyh nai ny y i, hini mawi ka-sang teng y py, ‘Asyh ly, pangli tui y aphi vui,’ napi baly nangchi i thui nai kamta tym ai.

LUKA 17:6

Naibaly Areng my ly, “Nangchi i ym naira anmawi hm amairei ka-tawm awm baly, sukamin dengkeaung teng y ly, ‘Nangmy akyn ryp ly, pangli y a-ui vui,’ nanai nangchi my napi ai i, nangchi i leu tangai ryp ai.

JOHAN 14:13

Naibaly Ampo ai ly Chapo deaungkho y palo thai ai nai, kaimy i amyn y nangchi i ati py hnei nai ngierei ly kang sa pi jojo ai.

JOHAN 15:7

Ngngchi ly kaimy teng y awm jo iy kai i leu nangchi teng y awm jo teang baly, nangchi i ngai nai ngierei ly hnei u, nangchi i vui ang sa pi ai.

I KORINTH 13:2

Naibaly kai ly leu thui thai ai naira awm iy, leu kathiu bawibawi hawi pany naira bawibawi pany bebe iy, mawi asyh vui pajau ai nai pa-rei ym naira kangym awm iy py, kai ly tamen naira by y pui baly kai ly ati sai py ny y leang.