MARKA 11:18 - Khumi Common Language Bible

¹⁸ Naibaly khumi mipui bawibawichi ly mymy i patiu nai ly khri pa-rei lyh u nai deaungkho y, pathyp pi nai keung kalenchi hawi Reita patiu nai keungchi py ni ai jei i, mymy ai tama hai ai nai sai hau u.

MARKA 11:18 Iomraidhean Croise

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

1 ARENG KEH 22:18

Ahab ly Jehoshapha teng y, “Hini khumi ly mana khala py kai i vui kahawi thui vai a?, hawi y naichi naini ang thui pi khyh, nanai kai, kang thui pi na a!” napi.

1 ARENG KEH 22:8

Ahab my, “Takhra amo leaungrei awm rai; ni ly Imala i chapo Mikha ne. Na i py ni ly achi i vui y mana khala py kahawi thui pi vai y; hawi y naichi ai naini avawrei thui pi khyh nai deaungkho y, kai ly ni ai ngai y,” napi. Hunaibaly Jehoshapha my, “Tuni leu ly thui ngau y!,” napi.

ISAIA 49:7

Khumi cheng cheaungkhangchi my niu ngai y nai khri pa-rei avum iy, samrang hawi y naichi i miseaung teng y, Israela chengchi i chai parai nai Tameuh, atleu keung my, “Pri peang nai samrangchi ly nang ai law tleaung hai iy tahm ang khai u ai. Samrang i chapochi my py nang ai niu iy, tahm khai nai lu meung u ai.” Ati mana nai mo nabaly ka-ym awm nai Areng napi nai Israela chengchi i chai parai nai Tameuh ly nang ai vawi takhra nai deaungkho y ne,” napi.

MATTHAI 21:15

Na i py pathyp pi nai keung kalenchi hawi Reita patiu nai keungchi ly mymy i atiti rengrang sa naichi hawi, achura yhm kalen pui y, “Tameuh my Davida i chapo ai tahm pasang sy,” nanai aeu nai deaungdichi ai niu khala y ly nichi ly paleung hawi y i ni teng y, “Hinichi i thui nai ly thai a?” napi.

MATTHAI 7:28

Naibaly hina nai ne, Isu ly huni leu thui pajau bo nabaly khumi mipuichi ly mymy i leu patiu nai ly lyh parai;

MARKA 1:22

Naibaly mymy ly Reita patiu nai keungchi atawm y i, phom awm parai naimy nichi ai patiu nai deaungkho y nichi ly mymy i leu patiu nai ly khri pa-rei lyh na.

MARKA 11:32

Na i py nichi ly khumi mipuichi ai jei bi: bawibawichi my ly Johan ai ly amo ne khyp napi kheng bo.

MARKA 12:12

Naibaly nichi ly mymy ai patiu ai nai sai hau: na i py khumi mipuichi ai jei; huni pata nai leu ly nichi ai padeang nai leu ne, nanai pany u bo.

MARKA 3:6

Naibaly Pharisaichi ly theu u iy, mymy ai padei u thai ai nai sai Heroda kamkawmchi hawi arum u praw ryp.

MARKA 6:20

ati mana nai mo nabaly Heroda ly Johan ai khumi kahawi hawi, khumi kachai ne, nanai pany nai deaungkho y ni ai jei i, kry jojo. Naibaly ni i leu tangai nai khala y mymy ly khri pa-rei paleung bi na; na i py ni i leu kawn parai naimy tangai lawh.

LUKA 19:47

Naibaly mymy ly kani tleirei achura yhm kalen pui y patiu reng. Naibaly pathyp pi nai keung kalenchi hawi, Reita patiu nai keungchi hawi, khumi mipuichi theung i miteaung kehchi ly mymy ai tama hai ai nai sai hau u.

LUKA 2:47

Naibaly mymy i leu thai nai ngiereichi ly ni i pany thai nai sai hawi pathang nai sai py lyh parai.

LUKA 20:19

Naibaly huni neng khyp khala y ly reita patiu nai keungchi hawi, pathyp pi nai keung kalenchi my ni ai patiu ai nai sai hau u; na i py khumi mipuichi ai jei, huni pata nai leu ly mymychi ai padeang’ nai leu ne, nanai pany.

LUKA 4:22

Naibaly nichi bawibawi ly mymy ai kawn iy ni i labeaung i theu nai tamen nai leu ly lyh parai na i, “Hini khumi ly Josepha i chapo ny y lawh kha?” napi.

JOHAN 7:1

Hunai pajau khala y Isu ly Kalili pri y khuleaung chei; Judachi my ni ai padei ai nai hau nai deaungkho y Judai pri y khuleaung chei ai nai ngai y bo.

JOHAN 7:19

Mosi ly nangchi teng y Reita ang pei y a? Na i py nangchi theung y ami py Reita patawm y leang. Nangchi ly ati mana nai y kai ai padei ai nai hau u lawh mo?” nanai pathang.

JOHAN 7:46

Miseaung luchi my ly, “Hunai kamta khumi ami py tlen py leu thui vai y leang,” nanai pathang.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.