MARKA 11:14 - Khumi Common Language Bible

¹⁴ Hunaibaly mymy ly keung teng y, “Vai i dengdairei deungtasa khrairei ami py nang i athai cha ai nai ngo moh sy,” nanai thui; huni ly abangnaichi my thai.

MARKA 11:14 Iomraidhean Croise

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MATTHAI 21:33

“Pata nai leu takhra tangai u: Yhmkeung leaungrei mo awm i kreip akho sa, naibaly, apai akawm i, kreip athai ati ai nai angawm tai iy, chang ka-sang sa bo; naibaly mymy ly akho kry nai keungchi teng y hlau ai nai vang pei iy, pri takhra y chei vui.

MATTHAI 21:44

Huni lengseaung tleaung y atlym nai ly kawi phiu ai i, ami ai py ti krup ipsaly dei piupa ai,” napi.

MATTHAI 3:10

Vai py dengkeaung pakeung tleirei y atiu khai yb bo; hunaibaly dengkeaung tleirei athai kahawi athai y nai ngierei ly paliu iy mai y aphi nai ne.

MATTHAI 7:19

Athai hawi y nai keung tleirei ly paliu iy mai y aphi reng.

MARKA 11:13

Naibaly mymy ly thaidu keung ngam awm nai kamlora y niu iy, athai niu na mo, nanai chei tapai; naibaly tym iy thaidu athai ai nai neng ny y nai deaungkho y, ngam ny y baly ati sai py niu y.

MARKA 11:15

Naibaly nichi ly Jerusalem avang y tym iy, mymy ly achura yhm kalen pui y kun i, achura yhm kalen pui y atiti jo nai keungchi hawi, van nai keungchi ai py patheu amteaung; tangka katheung nai keungchi i sabawi hawi, buhu jo nai keungchi i atehrachi py nui pi pawn teang;

JOHAN 15:6

Ami py kaimy teng y awm jo y baly changpi aphi nai kamta aphi iy jei ai; naibaly phawm iy mai y aphi ai i kang ai.

II PETERA 2:20

Naibaly nichi ly Areng hawi Paheng Keung Isu Krista ai pany nai deaungkho y khaileaung pri i amnyng naira i nai angpreng vui nai bo y, hunira y ang tang u teang bi iy pajau nai awm makho baly, nichi i kangkhym i awm nai sai ly angchei i tleaung y ly hawi y kehkeh nai ne.

AMTENG HAI NAI 22:11

Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.