MARKA 11:13 - Khumi Common Language Bible

¹³ Naibaly mymy ly thaidu keung ngam awm nai kamlora y niu iy, athai niu na mo, nanai chei tapai; naibaly tym iy thaidu athai ai nai neng ny y nai deaungkho y, ngam ny y baly ati sai py niu y.

MARKA 11:13 Iomraidhean Croise

ISAIA 5:2

Ni ly khaileaung tai piu iy lengseaungchi akhui pawn i, khai patyp nai di kahawi kreip keungchi ui bo. Ni ly huni keungchi typ ai nai angdeangra chang sa. Kreip athaichi ati ai nai angawm py sa. Ni ly kreip athai myn nai neng ajeng; Na i py kreip athai bawibawichi ly tho nai ne.

ISAIA 5:7

Israela pri ly ati cheaungkhang sa thai nai Areng i kreip akhobai ne; Juda khumichi ly mymy i ui nai kreip keungchi ne. Nichi ly kahawi sa ai, nanai mymy ly athang khai; na i py nichi ly khumichi ai padei u nai ne. Nichi ly hawi nairachi sa ai, nanai mymy ly athang khai; Na i py nichi my ana naira avum nai khumichi ly adyh adawi naira nga ai nai aeu u nai ne.

MATTHAI 21:19

Naibaly mymy ly lam teng y thaidu keung niu i chei tapai iy, ngam ny y baly ati sai py niu y; naibaly mymy ly huni teng y, “Vai dengdairei deungtasa khrairei athai moh sy,” napi.

MARKA 11:12

Naibaly mymy ly khawn mang y Bethani i dengdairei theu nai bo y kajeu alam bo.

MARKA 11:14

Hunaibaly mymy ly keung teng y, “Vai i dengdairei deungtasa khrairei ami py nang i athai cha ai nai ngo moh sy,” nanai thui; huni ly abangnaichi my thai.

LUKA 10:31

Naibaly pathyp pi nai keung leaungrei huni lam y ly tako ape khyp i, ni ai niu baly lam teng mang en vui.

RUTHI 2:3

Naibaly Ruthi ly li y chei i, choh tyn nai keungchi nithun abang iy, nichi i khai su nai chohvuichi pakym achu bo. Ni i chei nai li ly Boaza i li apeh khyp nai ne.

1 SAMUELA 6:9

Ka-ri ly mani mang y chei mo, nanai khen u patawm; Beth Sheme mary mang y chei lawh baly, Israela chengchi i Tameuh ly achi tlang tleaung y, ka-jei awm parai nai no mi tym hai ai, nanai pany u; na i py ka-ri ly huni mary mang y chei y lawh baly, mymy ly achi teng y no mi tym hai ai ny y; no mi ly mymy ngai ngai ang tym nai ne, nanai achi pany u ai,” napi.