MARKA 11:1 - Khumi Common Language Bible

¹ Naibaly nichi ly Jerusalem avang y tym ai nai kha y Olive mawi y Bethphaki hawi Bethani avang ahawi y tym u iy, mymy ly abang nai leaung nyhrei ai pato i nini teng y,

MARKA 11:1 Iomraidhean Croise

2 SAMUELA 15:30

Davida ly phainai aleng iy paleung si nai ka-ma-ra lu amym i, vo nai tarawi y Olive mawi mang y lyn kalau bo. Ni i nithun abang u nai khumi bawibawichi py, lu amym iy vo u.

ZEKHARIAH 14:4

Naibaly mymy ly Jerusalem mary nisi mang y awm nai olive mawi salo y angdo nai deaungkho y, olive mawi ly nidym, nisi phy nyhrei kawi thla iy leaunghawi pui lawm ai. Mawi seirei nai ly tosyh ngan mang y, takhra seirei nai ly tokalawi ngan mang y asyh vui ai.

MATTHAI 21:17

Naibaly mymy ly nichi teng i nai chei iy avang pui dengdairei theu nai, Bethani avang y chei i hu y jei bo.

MATTHAI 24:3

Naibaly mymy ly Oliv mawi y ateh nai thym khala y abangnaichi ly nichi my tlairei mymy teng y chei u i, “Huni atitichi ly mana khala y tym ai mo? Nang jeu bi ai nai hawi khaileaung pri tem ai nai ka-ma-ra ly ati awm ai mo? Kaichi ai thui pi kyh,” napi.

MATTHAI 26:30

Naibaly nichi ly khulym thui u pajau nai bo y theu u i, Oliv mawi y chei u bo.

MARKA 11:2

“Nangni i mo kataw i avang y chei hawi ly; naibaly nangni kun hawi angchei nai kha y keaungngo kano kasau cho pakheng nai, ami py atang vai y nai niu hawi ryp ai; huni ly su hawi ly, kai teng y pahawi hawi.

MARKA 13:3

Naibaly mymy ly achura yhm kalen pui kataw y Oliv mawi y ateh nai thym khala y Petera hawi, Jakob hawi, Johan hawi, Andria py nichi my tlairei mymy teng y, “Huni atitichi ly mana khala y tym ai mo?

MARKA 14:13

Hunaibaly mymy ly abangnaichi theung i leaung nyhrei ai pato i nini teng y, “Avang pui y chei hawi ly, hu y ly neampacho leaungrei kacheang y tui apu nai avum ai mang: ni teng y abang hawi.

MARKA 6:7

Naibaly mymy ly leaung holai nyhreichi ai ly mymy teng y palau iy, leaung nyh leaung nyhrei ai pato amteaung: vawinamchi tleaung y aly peang ai naira py nichi teng y pei.

JOHAN 8:1

Na i py Isu ly Olive mawi y chei lawh.

AMTAW 1:12

Naibaly nichi ly Olive mawi napi naira i dengdairei Jerusalem y ali teang bo; huni mawi ly Jerusalem ahawi y awm, Anawn Kani y pavai salang ai nai hawi khyp.