MARKA 10:52 - Khumi Common Language Bible

⁵² Naibaly Isu my ni teng y, “Tako jau, nang i ym naira my ang hawihai nai bo,” napi. Hunaibaly ni ly tlenrei khyh my mei angvang praw i lam y Isu teng y abang ryp.

MARKA 10:52 Iomraidhean Croise

SAM 146:8

Atlym nai khumi bawibawichi ai pathau ali teang bo; mymy ly khumi kahawichi ai tamen nai ne.

SAM 33:9

Mymy leu pei nai khala y khaileaung pri lawm bo. Mymy leu pei nai khala y ati cheaungkhangchi ly amteng nai ne.

ISAIA 35:5

Mei kamjuchi ly mei angvang u ai. Kano kapangchi py kano ha u ai.

MATTHAI 11:5

mei kamjuchi ly mei angvang u bo, kheu kangbaichi py tako u bo, keaungsichi ai py paichai bo, kano kapangchi py kano ha u bo, kadeichi ai py pathau bo, khumi kamawnchi teng y py Satang Kahawi thui pi bo.

MATTHAI 12:22

Naibaly hunai thym khala y ly mei kamju leu katheu thai y nai, vawinam my nam nai leaungrei ai mymy teng y pahawi u i, mymy ly ni ai hawi sa pi: naibaly leu katheu thai y nai khumi ly leu katheu thai i, niu py niu thai bo.

MATTHAI 15:28

Hunaibaly Isu my ni teng y, “Lo awi, nang i ym naira ly khri pa-rei len na ly: nangmy i ngai nai kamta khyp my nang i tlang tleaung y tym sy,” napi nai pathang. Naibaly ni i chaniu ly huni neng khypkhyp kha i dengdairei hawi ryp bo.

MATTHAI 21:14

Naibaly achura yhm kalen pui y ly mei kamjuchi hawi kheu kangbaichi ly mymy teng y chei u i, mymy ly nichi ai hawi sa pi bo.

MATTHAI 8:3

Naibaly Isu ly jaha nai nam iy ni teng y, “Ngai mang, chai jau sy,” napi. Naibaly ni i keaungsi ly tlenrei khyh my chai praw ryp bo.

MATTHAI 9:22

Naibaly Isu ly hi iy ni ai niu i, “Lo awi! Paleung awmnem naimy awm ba. Nang i ym naira my ang hawihai nai bo,” napi. Naibaly huni neampachy ly huni neng khypkhyp y my hawi ryp bo.

MARKA 1:31

naibaly mymy ly jeu i ni i kiu y amkhaw iy pathau: hunaibaly mymy i keaung no nai ly pra i, nichi ai kry.

MARKA 5:34

Naibaly mymy ly ni teng y, “Lo awi, nang i ym naira my nang ai ang hawihai nai bo; awmnem naimy tako ly, nang i no naira ly hawi jo jau sy,” napi.

MARKA 8:25

Naibaly mymy ly ni i mei y kiu tamam bi: naibaly mymy ly chai pyn pa-rei niu iy hawi ryp i, ati cheaungkhang hawihai palai niu.

LUKA 7:50

Naibaly mymy ly neampachy teng y, “Nang i ym naira ly nang ai paheng bo; paleung awmnem naimy tako ba,” napi.

LUKA 9:48

“Ami py kai i amyn deaungkho y hini deaungdichy ai kawn nai ngierei ly kaimy ai kawn nai bo; ami py kai ai kawn nai ngierei ly kai ai pato nai keung ai kawn nai bo; nangchi bawibawi tleaung y theang keh nai ly huni ly len keh,” napi.

JOHAN 9:32

Khaileaung pri awm khyp khala i dengdairei ami py mei kamju naimy tapen nai i mei angvang hai, nanai tlen py thai vai y.

JOHAN 9:39

Isu my ly, “Mei kamjuchi mei angvang thai ai nai hawi mei kangvangchi ly mei paju thai ai nai py kai ly hini khaileaung pri y tara chih ai nai kang jeu nai ne,” napi.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.