MARKA 10:22 - Khumi Common Language Bible

²² Na i py ni ly yhmtheaung neangneang awm nai khumi ne nai deaungkho y, huni leu y meimai takhui sui na i, khri pa-rei paleung mawn naimy tako vui bo.

MARKA 10:22 Iomraidhean Croise

Ezekiela 33:31

Hunai deaungkho y kai i khumichi ly nangmy thai hai ai awm nai leu tangai ai nai, nang i mo y ang tym u bo. Na i py nichi ly nang i thui nai kamta so u y. Leu khulym kahawi katheu u teu i py, atakaw nai paleung awm nai kamta sa u.

MATTHAI 13:22

Naibaly kabeng aleng theung y hei nai ly hini ne he: mymy ly leu thai bo, na i py khaileaung pri y heng nai khala y dawn nai sai hawi nang naira my tapawp nai saichi my ly leu ai ly achih hai i, athai y bo.

MATTHAI 19:22

Na i py thawndeang ly yhmtheaung neangneang awm nai khumi ne nai deaungkho y huni leu thai iy khri pa-rei paleung mawn nai tako vui bo.

MATTHAI 27:3

Naibaly Juda, mymy ai patiu hai nai keung ly Isu ai pasum bo, nanai pany baly adawn ali i tangka phairei nai ly pathyp pi nai keung kalenchi hawi miteaung kehchi teng y syn teang iy,

MARKA 10:21

Naibaly Isu ly ni ai khen iy tamen i mymy teng y, “Nang ly lamrei takhawi rai; chei ly, nang i awm nai ngierei jo ly, kamawnchi teng y pei, hunaibaly nang kani pri y yhmtheaung nga ai: naibaly jeu ly, kai teng y abang,” napi.

MARKA 10:23

Naibaly Isu ly khen akiprei i abangnaichi teng y, “Yhmtheaung nang naichi ly Tameuh i peang naira y kun ai nai mana tanrei rai na mo?” napi.

MARKA 6:20

ati mana nai mo nabaly Heroda ly Johan ai khumi kahawi hawi, khumi kachai ne, nanai pany nai deaungkho y ni ai jei i, kry jojo. Naibaly ni i leu tangai nai khala y mymy ly khri pa-rei paleung bi na; na i py ni i leu kawn parai naimy tangai lawh.

MARKA 6:26

Naibaly samrang ly khri pa-rei paleung mawn parai, na i py mymy i vaineng abeu nai hawi biu o ahawi naichi deaungkho y py ni ai aei ai nai ngai y.

LUKA 12:15

Naibaly mymy ly nichi teng y, “Amkym u ly, paleung ano lyhlyh naira y ly akry u: yhmtheaung nang naira y ly khumi heng lawh nai ny y leang,” napi.

LUKA 18:23

Na i py ni my ly khri pa-rei nang nai deaungkho y huna nai leu thai i khrikhri pa-rei paleung mawn na.

II KORINTH 7:10

Ati mana nai mo nabaly Tameuh i ngai nai kamta paleung mawn naira my ly hengra nga ai nai pa-rei uikhei naira sa; huni my ly adawn ali naira tym hai y leang, khaileaung pri i paleung mawn naira naini dei naira sa nai teu.

EPHESI 5:5

Na i py angai nai khumi hawi, khumi chai y nai hawi, atakaw nai khumi ly (mymy ly myn y chiu nai keung ne), Krista hawi Tameuh i peang naira y ly amtym ai naira sai py ngo y leang, nanai nangchi pany u khypkhyp.

II TIMOTHEI 4:10

Kriski ly Kalatia pri y chei i, Tita py Damlmatia pri y chei teang. Kai teng y Luka leaungrei chy awm khyh.