MALAKHI 3:3 - Khumi Common Language Bible

³ Mymy ly ei chaipyn hai ai nai tangka patlawn nai keung kamta, ang jeu iy tara chih ai. Muku ateaung, tangka ateaung thip kawp nai keung my, muku hawi tangka ai patlawn nai kamta, Areng i amtaw thau naimy ly pathyp nai keungchi ai chai pa-rei sa ai. Huna nai kamta sa nai ly pathyp pi nai keungchi my Areng teng y avo nai kapathyprachi syn pajau ai nai ne.

MALAKHI 3:3 Iomraidhean Croise

SAM 116:17

Kai ly nang teng y kawn nai kapathypra talam ai; nang teng y chiu sa ai.

SAM 4:5

Areng teng y avo nai kapathypra talam iy mymy teng y ym naimy abyh u.

SAM 4:6

“Aw Areng, amtheaung naira pei panawi bi kyh ba. Kaichi i tlang tleaung y pahen nai paleung hawi khen ba,” nanai khumi neangneangchi my chiu sa u bo.

SAM 50:14

Kawn nai leu thui nai naini Tameuh teng y nangchi i apathyp nai palawn u; huni bo y ati cheaungkhang sa thai nai keung teng y, nangchi vaineng adeu nai kamta so u.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

SAM 51:19

Huna nai khala nang ly teng khyp nai leng patlum nai kapathyprachi kawn pi ai; si kataichi ai py nang i maicham salo y apathyp ai.

SAM 66:10

Aw Tameuh, nang ly kaichi ai cham bo; tangka ai mai hawi pachai nai kamta, kaichi ai cham ba.

LEU KACHENG 17:3

Muku hawi tangka ai mai hawi cham; khumi i paleung ai ly Areng my cham nai ne.

LEU KACHENG 25:4

Tangka ai patlawn vui nai khala, tangka thip kawp nai keung ly apu parai nai ateaung ha harei sa thai nai ne.

ISAIA 1:25

Kai ly nang ai bawi la iy kang pajeng ai. Tamo ngan ai pachai nai kamta, nang i kakhawi kangjenchi py pachai iy, nang ai kachai sa ai.

ISAIA 48:10

Tangka ai mai y pachai nai kamta, kai ly nangchi ai ngari kamtang mai hawi cham chum nai ne. Na i py nangchi ai ly vang teng y nai kaniu.

ISAIA 61:6

Nangchi ai ly Areng i pathyp pi nai keungchi, Tameuh i miseaungchi napi ai. Khumi cheng cheaungkhangchi i yhmtheaung katuichi amtym iy, huna nai amtym nai molam y, nangchi ly amlyh u ai.

JEREMIA 9:7

Hini molam y ati cheaungkhang sa thai nai keung Areng my, “Kai ly tamo ngan patlawn iy pachai nai kamta, kai i khumichi ai chai pa-rei kasa ai. Nichi ai kaimy cham ai. Kai i khumichi ly sa tamang u bo. Kai ly nichi ai mana kasa ai mo?

Ezekiela 20:38

Nangchi theung i tiu nai khumichi hawi kamngo awm nai khumichi ai nawi su ai. Nichi ai mymychi vai awm nai pri i nai theu hai pawn ai. Na i py Israela pri y vawi ali teang ai nai pei ai ny y. Huna nai khala kai ly Areng ne, nanai nangchi pany u ai,” napi.

DANIELA 11:35

Lu sa nai khumi kachengchi theung i phyrei khumichi ly tleh naira avum ai. Na i py huna nai tleh naira avum u nai molam y, khumichi i paleung ly chai ai. Hunichi ly Tameuh my khai pi nai neng tym pa-rei awm jo ai.

DANIELA 12:10

Khumi neangneangchi ly paleung chai u ai. Khumi hawi y naichi ly pany thai naira by y i, hawi y naira sa u veangveang ai. Khumi kacheng naini, pany thai naira nga ai.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

MALAKHI 4:1

Ati cheaungkhang sa thai nai Areng my, “Paleung len amlyh nai khumi hawi khumi hawi y nai bawibawichi ly chohphi kamta mai my kang nai neng kani tym ai. Hini neng kani khala nichi ly mai my kang ai i, tangjyn hawi changpi kamsi kamdi malawn py awm ai ny y.

Kati Nai 8:6

“Levi theaungchi ai Israela chengchi theung i nai vawi takhra vui iy nichi i vui

LUKA 3:16

“Kai ly nangchi ai tui hawi baptis kang sa nai teu; na i py kai tleaung y len keh nai leaungrei ang jeu ai, kai ly ni i phainai vui su ai nai py ataing y leang: ni my ly Phailo Kachai hawi mai hawi baptis ang sa pi ai mang.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

PHILIPI 2:17

Ne, nangchi i ym naira apathyp naira y hawi atiti sa naira tleaung y ly kai ai lei vui nai awm teu iy py kakawn nai ne, nangchi bawibawi ai py kang kawn hai mang.

PHILIPI 4:18

Na i py kai ly ati cheaungkhang awm i, awm mamang bo; Epaphrodita i kiu y kai ai nangchi i atiti pa naichi ly kanga i, angym bo. Huni ly atiti mui katui, apathyp naira kawn ai ataing nai, Tameuh i ka-kawn ne.

II TIMOTHEI 4:6

Kai ai ly vai py talam dudu nai bo, kai theu nai neng tym bo.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

HEBRAI 12:10

Nichi ly avo, nanai dawn nai kamta kani kra y nai sala chy y achi ai ang parip mang ly ang parip; na i py achi ly mymy i chai naira phy nga thai ai nai, ni my ly achi hawi ai nai ang parip nai ne.

I PETERA 1:7

Isu Krista amteng nai khala y ly palo naira hawi, nang parai naira hawi, tahm asang naira py lawn thai ai nai, kra y nai sala y parawi naira cheaungkhang deaungkho y nangchi ly paleung mawn u rai.

I PETERA 2:5

mymy teng y jeu iy, nangchi ai py lengseaung kanghengchi kamta ly phailo mang i yhm sa naira y ang tabawi ai nai, Isu Krista i saho y Tameuh i ka-kawn phailo mang i apathyp naira ly talam iy, pathyp pi nai keung kachaichi lawn thai ai nai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

AMTENG HAI NAI 1:6

Achi ai tamen i mymy i thi y achi i kamngo nairachi pachai chum nai, achi ai mymy i Tameuh hawi Ampo i vui y peang naira hawi pathyp pi nai keungchi y palawn nai keung teng y ly nang parai naira hawi aly peang naira py deungrasarei awm sy. Amen.

AMTENG HAI NAI 3:18

Hunai deaungkho y nang ly nang naira nga thai ai nai, mai y pachai chum nai muku hawi, nang i beng tlairei awm nai kangji kangngai nai sai amteng y ai nai ateaung kangleungchi amthyp thai ai nai hawi, nang i mei y atamui nai rimui py kai teng y van ai nai kadawn hai.

AMTENG HAI NAI 5:10

naibaly nichi ai ly achi i Tameuh i vui y peang naira hawi pathyp pi nai keungchi y nang palawn bo; naibaly nichi ly khaileaung pri y peang ai,” napi.