MALAKHI 1:2 - Khumi Common Language Bible

² Areng ly mymy i khumichi teng y, “Kai ly nangchi ai kang tamen jojo,” napi. Na i py nichi my, “Nang ly kaichi ai tamen nai sai mana patei pi ai mo?” nanai deng u. Areng my, “Esaw hawi Jakob nini ly amjo amnau ne i py, kai ly Jakob hawi ni i katu chanauchi ai tamen;

MALAKHI 1:2 Iomraidhean Croise

ATITI AWM ANGCHEI NAI 25:23

Areng my neampachy teng y, “Nang i kajeu theung y khumi cheng nyhrei awm; nang ly atiu nai khumi cheng nyhrei ai tapen ai. Leaungrei nai ly leaungrei tleaung y atho awm ai; kalen nai ly katheang teng y miseaung achei ai,” nanai thui pi

ATITI AWM ANGCHEI NAI 25:25

Tapen man nai ly tlang pasen iy kanih mui kamta tlang verei mui sai i, mymy ai ly Esaw, nanai amyn pathi.

ATITI AWM ANGCHEI NAI 25:26

Pa-nyh i chapo ly Esaw i kheu pakhi y syn thleng naimy tapen; mymy ai ly Jakob, nanai amyn pathi bo. Nini ai tapen nai khala y Isaka ly saneng vui tariurei awm nai ne.

ATITI AWM ANGCHEI NAI 27:33

Huna nai khala Isaka ly tlang ahyn thlyhthlyh naimy, “Nang tym y rai khala mawi nga iy kai teng y syn pi nai khumi ly ami mo? Nang tym y rai khala kai ly mawi an cha chum veng bo. Huni khumi teng py amtheaungra kapei chum veng bo. Kaimy amtheaung naira pei nai kamta, ni ly nga veng bo,” napi.

ATITI AWM ANGCHEI NAI 48:4

Mymy ly kai teng y, ‘Kaimy nang ai cho chanau neangneang kang peung hai ai i, nang i kangpreang dengdairei khumi cheng neangneang lawm ai; kaimy nang i kangpreangchi teng y hini pri amtym jo ai nai pei pi ai,” napi.

1 ARENG KEH 10:9

Nang i Areng Tameuh ly nang parai nai awm sy! Mymy ly nang ai khri pa-rei tamen nai deaungkho y, Israela samrang y tahm pasang bo. Israela chengchi ai deungtasarei tamen nai deaungkho y, nichi ai leu meitang adyh adawi naimy peang ai nai, nang ai samrangra y palyn nai bo,” napi.

2 ARENG KEH 3:8

Atiu ai nai ly mani lam mang amsa ai mo?” napi. Joram my, “Achi ly Edom daichi ka-vym lam kasau mang amsa ai,” nanai pathang.

ISAIA 43:4

Nangchi ly kai i vui khri pa-rei vang teng nai khumichi ne i, kaimy tamen iy tahm kapasang naichi ne nai deaungkho y, kai ly nangchi ai atleu ai nai, khumi chengchi ai khai su ai.

ISAIA 63:1

“Edom pri Bozrah mary i dengdairei jeu nai khumi ly ami mo? Apu parai nai ateaung kamsen amthyp iy, atho haiho kawi angym naimy ang jeu nai khumi py ami mo? “Huni ly mymy i eaung naira amthang hai ai nai jeu nai keung, atleu ai nai sa thai naira awm nai keung Areng ne.

JEREMIA 2:31

Israela mipuichi awi, nangchi ly kai i thui nai leu tangai u. Kai ly nangchi i vui daichi ka-vym kamta py, kaveng my khiu nai pri kamta py lawm veng bo a? Ti y lawh baly nangchi ly ati mana nai y nangmychi ngai ngai sa naimy, kai teng y mana khala py ali teang y leang bo, nanai thui u lawh mo?

JEREMIA 2:5

Areng my leu pei nai ly “Kai teng y ati kamngo niu nai y, nangchi i amsi pajochi ly kai teng i nai theu u nai a? Nichi ly vang teng y nai mynchi chiu u iy, mychi kypkyp py vang teng u y bo.

JEREMIA 31:3

kai ly nichi teng y kamlo mang dengdairei amteng pi nai ne. Aw Israela khumichi awi, kai ly nangchi ai kang tamen jojo nai deaungkho y, nangchi ai kai i tamen naira khaw parai nai kang patei pi bo.

AMOS 1:11

Areng my, “Edom khumichi ly kamngo sa nai bo y sa panawi bi nai deaungkho y, kai ly nichi ai meitang khyp kapajeng ai. Nichi ly mychi i amjo amnau Israelachi ai, ngo y nai nga pa-rei hui iy pahyp y naimy ana bo. Nichi i kado theu nai sai ly mana khala py rym hai y naimy, kado theu nai mai angveaung hai na bo.

MALAKHI 2:17

Nangchi ly leu peung ala nai deaungkho y, Areng ly kano ngai y bo. Na i py nangchi my, “Kaichi ly nang ai kano angai hai y ai nai ati mana kasa u lawh mo?” nanai thui u. “Areng ly khumi hawi y nai ngiereichi ai khumi kahawi palawn bo,” nanai thui nai py, huni khumichi ai kawn nanai py, leu meitang adyh adawi bo, nanai athang khai nai Tameuh ly ma mang y awm mo?” nanai thui nai molam y py, nangchi ly mymy ai kano angai hai y nai ne.

LUKA 10:29

Na i py ni my ly eaung ai nai tau i Isu teng y, “Naibaly kai i saleaung khumi ly ami mo?” napi.

JOHAN 15:12

“Hini ly kai i leu kang pei nai ne, kaimy kang tamen nai kamta ly nangchi py atmen u leungtang.

Leu Thui Nai 10:15

Na i py Areng i tamen naira ly nangchi i amsi pajochi tlang tleaung y khri pa-rei len nai deaungkho y, khumi neangneangchi theung i nai nangchi ai vawi takhra nai ne i, nangchi ly vaini khrairei mymy i khumichi ne.

Leu Thui Nai 23:5

Na i py nangchi i Areng Tameuh ly nangchi ai tamen nai deaungkho y, Balam i pasawi nai ai tangai pi y; ni ly nangchi ai pasawi ai nai jeng y amtheaung hai bo.

Leu Thui Nai 33:3

Areng ly mymy i khumichi ai tamen, mymy i khumichi ai kry ryhpatyh na. Hunai deaungkho y achi ly mymy i kheu keung y ambeu iy, mymy i reita leu pei naichi tangai u bo.

Leu Thui Nai 4:37

Ati mana nai mo na baly mymy ly nangchi i amsi pajochi ai tamen nai deaungkho y nangchi ai vawi takhra nai ne; naibaly mymy i sa thai naira hawimy nangchi ai Aikupta pri i dengdairei ang pahawi bo.