LUKA 9:44 - Khumi Common Language Bible

⁴⁴ “Hini leu ly nangchi i kano y kun sy: Khumi i Chapo ai ly khumichi i kiu y patiu hai ai,” napi.

LUKA 9:44 Iomraidhean Croise

2 SAMUELA 24:14

Davida my, “Kai ly khri pa-rei rai naira avum lawh bo hi ly! na i py khumi my pajeng nai ly tym hai mo sy; Areng my phai pajeng na sy. Mymy ly pahen nai keung ne,” nanai Kad teng y thui pi.

MATTHAI 16:21

Huni dengdairei baly mymy ly Jerusalem avang y chei ai nai tla nai sai hawi, miteaung kehchi, pathyp pi nai keung kalenchi, Reita patiu nai keungchi teng y mymy i atiti neangneang patang ai nai saichi py, ni ai padei ai nai saichi py, kani thomrei kani y pathau teang ai nai saichi py Isu ly abangnaichi teng y thui pi amteaung bo.

MATTHAI 26:2

‘Vai kani nyhrei nai kha y Katlen Vui nai pawi awm ai, nanai nangchi ly pany, naibaly khumi i Chapo ai ly kraws tleaung y tahen ai nai patiu hai ai,” napi.

MARKA 8:31

Naibaly Khumi i Chapo ly atiti neangneang patang ai nai saichi py, miteaung kehchi hawi, pathyp pi nai keung kalen kehchi hawi, Reita patiu nai keungchi my ngai y ai nai saichi py, ni ai padei ai nai saichi py, kani thomrei nai kha y angthau teang ai nai saichi py nichi ai patiu amteaung bo.

MARKA 9:31

Ati mana nai mo nabaly mymy ly abangnaichi ai patiu i nichi teng y, “Khumi i Chapo ai ly khumichi i kiu y patiu hai ai i, ni ai padei u ai; naibaly padei u nai bo y kani thomrei kani y ly angthau teang ai,” napi.

LUKA 1:66

Naibaly thai nai ngiereichi ly mychi i paleung theung y dawn cheng i, Areng i kiu my ly mymy teng y awm nai deaungkho y, “Hini deaungdicho ly mana mana lawn ai mo?” napi.

LUKA 18:31

Naibaly holai nyhreichi ai ly mymy teng y hawi takhra i nichi teng y, “Khen cham, achi ly Jerusalem avang y kalau ai i, amochi i leu tajiu nai bawibawi ly Khumi i Chapo i tlang tleaung y tym ai.

LUKA 2:19

Na i py Mari my ly huni leu thui nai bawibawi ly mymy i paleung theung y dawn iy pateung me jo.

LUKA 2:51

Hunaibaly mymy ly nini hawi chei kathiu i, Nazaret avang y tym iy, nini i leu tangai jojo. Naibaly amhm my ly huni atiti bawibawi ly mymy i paleung theung y pateung me jo.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

LUKA 9:22

“Khumi i Chapo ly atiti neangneang patang ai nai tla: miteaung kehchi hawi, pathyp pi nai keung kalenchi hawi, Reita patiu nai keungchi my ngai y nai awm ai nai tla, ni ai padei ai nai tla, kani thomrei kani y pathau teang bi ai nai tla,” napi.

JOHAN 16:31

Naibaly Isu my nichi teng y, “Vai ly ym u lo-oh?

JOHAN 16:4

Neng tym khala y kaimy kang thui pi, nanai nangchi adawn vau bi ai nai, hini satang ly kang thui pi bo. Kai ly nangchi teng y awm rai nai deaungkho y hini satang ly angchei khala y kang thui pi y.

JOHAN 19:11

Isu my pathang i, “Salo mang i dengdairei ang pei nai ny y baly kai i tlang tleaung y nang sa pajau ai naira ha py nga ai ny y leang; hunai deaungkho y kai ai nang teng y au nai keung ly kamngo len ra bo,” napi.

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

HEBRAI 2:1

Hunai deaungkho y achi ly achi i kano y thai naichi ly hawihai palai dawn nai tleaung y dawn ra ai nai tla, ti y baly achi ly ajau vui lawh na.