LUKA 8:48 - Khumi Common Language Bible

⁴⁸ Naibaly ni my ly mymy teng y, “Lo awi, nang i ym naira my ang hawihai nai bo, awmnem naimy tako ba,” napi.

LUKA 8:48 Iomraidhean Croise

2 ARENG KEH 5:19

Huna nai khala Elisa my, “Paleung awmnem naimy tako ba,” napi. Naibaly Neaman ly hu i nai theu bo. Ni ly tako nai kamlora tym y rai.

THEU NAI 4:18

Naibaly Mosi ly ampu Jethro teng y vawi ali i ni teng y, “Kai ly Aikupta pri y kai i amjo amnauchi ai de ai nai kachei ai nai ngai,” napi. Jethro my chei ai nai paleung kahawi my pavum bo.

MATTHAI 12:20

Mymy ly eaung ai nai tara chih nai ly tym hai y ryrei ly, Kadi du nai satleung taphra y ai, Teicha angveaung paijei nai py padei y ai,

MATTHAI 8:13

Naibaly Isu my tavaimi chungvairei lu teng y ly, “Tako teu, nang i ym nai kamta nang i tlang tleaung y tym sy,” napi. Hunaibaly miseaung ly huni neng kypkyp y hawi ryp bo.

MATTHAI 9:2

Naibaly khen cham, kamkhyn no nai khumi leaungrei ai ira tleaung y aseaung naimy mymy teng y angjeaung u bo: naibaly Isu ly mymychi i ym nai sai niu i, kamkhyn no nai khumi teng y, “Deang awi! Paleung awmnem naimy awm ba: nang i kamngochi ly pahen bo mang,” napi.

MATTHAI 9:22

Naibaly Isu ly hi iy ni ai niu i, “Lo awi! Paleung awmnem naimy awm ba. Nang i ym naira my ang hawihai nai bo,” napi. Naibaly huni neampachy ly huni neng khypkhyp y my hawi ryp bo.

MARKA 5:34

Naibaly mymy ly ni teng y, “Lo awi, nang i ym naira my nang ai ang hawihai nai bo; awmnem naimy tako ly, nang i no naira ly hawi jo jau sy,” napi.

LUKA 17:19

Naibaly mymy teng y, “Angthau ly, tako ba, nang i ym naira my ang hawihai nai bo he,” napi.

LUKA 18:42

Naibaly Isu ly mymy teng y, “Niu thai jau, nang i ym naira my ang hawihai nai bo,” napi.

LUKA 7:50

Naibaly mymy ly neampachy teng y, “Nang i ym naira ly nang ai paheng bo; paleung awmnem naimy tako ba,” napi.

LUKA 8:47

Naibaly neampachy ly aheu thai y, nanai pany i, kaso tahyn theu naimy chei iy, my i mo y ambeu: naibaly ni ai nam nai sai hawi, tlenrei khyh my ni i no hawi praw nai sai ly khumi bawibawi ka-niu y thui pi.

AMTAW 14:9

Huni khumi ly Pawla i leu thui nai tangai; naibaly Pawla my ly mymy ai khen jo iy, no hawi ai nai ym naira awm, nanai pany i athorei my, “Nang i kheu y kataw angdo,” napi.

II KORINTH 6:18

Hunaibaly kang kawn u ai i, Nangchi i vui Ampo kang lawn ai. Nangchi py kai i vui chapo chaniuchi lawn u ai,” nanai ati cheaungkhang sa thai nai Tameuh my ly napi.

HEBRAI 4:2

Nichi teng y thui pi nai kamta ly achi teng y py satang kahawi thui pi nai ne khyp bo: na i py nichi ly tangai nai keung tatangchi hawi ym naira y amtawm y nai deaungkho y, nichi i thai nai leu ly nichi ai chawn hai y leang.

1 SAMUELA 1:17

Eli my, Paleung awmnem naimy tako ba; Israela chengchi my chiu sa nai Areng ly nang i hnei nai kamta pei sy,” napi.