LUKA 8:47 - Khumi Common Language Bible

⁴⁷ Naibaly neampachy ly aheu thai y, nanai pany i, kaso tahyn theu naimy chei iy, my i mo y ambeu: naibaly ni ai nam nai sai hawi, tlenrei khyh my ni i no hawi praw nai sai ly khumi bawibawi ka-niu y thui pi.

LUKA 8:47 Iomraidhean Croise

SAM 2:11

Nangchi ly jei kaji nai paleung hawi Areng i kalop so u;

SAM 38:9

Aw Areng, nang ly kai i kangai pany pi. Kai i tangam nai raawi thai bo.

SAM 66:16

Tameuh ai jei kaji naimy tahm khai nai khumi bawibawichi awi, jeu ly tangai u; mymy ly kai i vui y ati mana hawi ang sa pi mo, nanai kaimy kang thui pi ai.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

HOSEA 13:1

Vaichi khala Ephraim cheng theaungchi i thui nai leu ai, takhra Israela cheng theaungchi ly jei hyn u bo. Takhra Israela cheng theaungchi ly Ephraim cheng theaungchi ai tahm khai u nai ne. Na i py nichi ly Bala tameuh ai chiu u nai kamngo molam y dei u ai.

HOSEA 5:3

Kai ly Israela chengchi i satang pany nai deaungkho y, nichi i hawi y sa nai taphum ai nai ngo y. Nichi ly kai i tlang tleaung y ka-ym by y nai deaungkho y, kai hawi ataing y leang bo,” napi.

HABAKKUK 3:16

Kai ly hini leaungsaichi thai baly kaso theu; kai i labeaung teng ly jei nai ahyn thlyhthlyh naimy tlang ly nau vui iy, kheuchi ly atlym khikha na bo. Kaichi ai tiu nai khumichi ai, Tameuh my pajeng nai neng tym pa-rei, kaichi ly awmnem nai my ajeng ai.

MATTHAI 28:8

Naibaly nini ly jei nai hawi khri pa-rei kawn nai tarawi y angawm i dengdairei tako hawi kaliki iy, abangnaichi ai thui pi ai nai angpreng hawi bo.

MARKA 5:33

Hunaibaly neampachy ly mymy ai atiti sa pi nai ly pany iy, jei nai hawi kaso theu naimy chei i, mymy i mo y ly ambeu iy kateng khyp my thui pi bebe.

LUKA 8:46

Na i py Isu my, “Ami mo kai ai nam khyp, kai theung i dengdairei sa thai naira theu, nanai kai pany,” napi.

LUKA 8:48

Naibaly ni my ly mymy teng y, “Lo awi, nang i ym naira my ang hawihai nai bo, awmnem naimy tako ba,” napi.

AMTAW 16:29

Naibaly typ nai keung my ly maiteaung palau hai i tlenrei my satla kathiu nai kun iy jei nai kaso theu naimy Pawla nini Sila i mo y ambeu; naibaly nini ai ly theu hai i,

I KORINTH 2:3

Naibaly kai ly nangchi theung y ham y nai hawi jei nai khri pa-rei kaso theu nai py awm bo.

II KORINTH 7:15

Naibaly nangchi bawibawi ly ni i leu tangai u nai sai py, jei nai hawi kaso theu nai tarawi y ni ai kawn u nai sai py, mymy ly pany jo nai tarawi y, khri pa-rei nangchi mang y mymy i paleung akau nai tleaung y akaura nai ne.

PHILIPI 2:12

Hunaibaly kai i ngai parai naichi awi, nangchi ly leu patawm u jojo nai kamta, kai awm nai khala y so khyh y naimy vai kai by y nai sala y py sa u keh lawh iy, jei nai hawi kaso theu nai tarawi y nangmychi i paheng naira ai ly pacheang u;

HEBRAI 12:28

Hunaibaly achi ly tahyn pajau y nai pri nga nai deaungkho y kawn u sina; huni i saho y achi ly kaji nai hawi tahm khai nai tarawi y Tameuh i kawn nai kalop sa thai:

1 SAMUELA 16:4

Samuela ly Areng i leu pei nai kamta sa ai nai, Bethlehem mary y chei bo. Huni mary i lu sa nai miteaung kehchi ly kaso theu u naimy lamchung u i, “Areng awi, nang ly paleung awmnem naimy jeu nai a?,” nanai deng.