27 Naibaly kacheng y angkhyh nai bo y avang i khumi, vawinam my nam nai ami mo leaungrei ni hawi avum. Huni khumi ly kanih akhiu y nai kra parai bo, den py yhm y awm y, tapreaung y awm lawh.
Nichi ly vum y tapiuchi, tapreaungchira y chei iy, khumi kadei phailochi hawi leu arum u nai ne. Nichi ly eu mawi cha iy nichi i laawm theung i, chai y nai mawi byh hangchi nei u.
Naibaly mymy i satang ly Suri pri bawibawi y amthang bo; hunaibaly no naichi bawibawi, ham y naichi, cheaungkhang patang naichi, vawinam my nam naichi, kamthuchi, kamkhyn no naichi ai py mymy teng y hawi i, hawi sa pi bo.
Naibaly nichi ly Isu teng y tym u iy, vawinamchi my nam nai, Neang Neang my nam nai my ly kanih akhiu iy paleung kari awm naimy ateh nai niu i nichi ly jei u.
Naibaly ni ly Isu ai niu baly aeu iy, ni i mo y ambeu i athorei my, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Hini kang takeng nai bo he, kai ai patang hai moh kyh jemjem ba,” napi.
Ni ly my i baichu ateaungchi aleng vui iy, Samuela i mo y lam naimy aeu; naibaly huni kani khengrei, vumtorei, tlang ka-keu naimy aseaungsu bo. (Hini molam y Sawla py amo lawm teang bo a?,” nanai thui achi awm nai ne.)