LUKA 8:24 - Khumi Common Language Bible

²⁴ Naibaly nichi ly mymy i ahawi y athui iy palaw i, “Areng, Areng, kaichi tama ai bo he,” napi. Naibaly mymy ly anglaw iy ali hawi tui sampyh ai py jo; naibaly aham i rym ryp bo.

LUKA 8:24 Iomraidhean Croise

SAM 65:7

Nang ly pangli tui amsau nai katyn hawi, tui sampyh katynchi rym hai bo; khumichi i khyh tukulu nai katynchi py anawn hai ai.

ISAIA 50:2

Kai ly kaimy i khumichi ai atleu ai nai jeu nai thym khala y, ati mana nai y nichi ly kai ai ka-vum so u y lawh mo? Kaimy palau nai khala, ati mana nai y pathang u y lawh mo? Kai ly nichi ai atleu pajau y na pa-rei, atho di nai sai a? Kaimy pangli ai leu pei baly tui kang hai pajau. Tavochi ai khutaha daichi ka-vym lawm hai vui pajau nai ne. Huni tavochi ra y tui by y nai deaungkho y, ngochi ly dei be bo.

JEREMIA 5:22

Kai ly Areng ne. Nangchi ly ati mana nai y kai ai jei u y nai mo? Kai i mo y ati mana nai y kaso theu u y mo? Kai ly pangli i vui khujyh, pangli tui sadawn pajau y ai nai khujyh kakhaw ly speungchi hawi jyh pi nai ne. Pangli ly tui sampyh len teu i py, huni khujyh ai ly sadawn pajau y. Tui sampyhchi ly amsau na teu i py, huni khujyh katlen pajau y nai ne.

NAHUM 1:4

Mymy ly pangli ai leu pei nai khala y, pangli tui ly kang vui na! Mymy ly tavochi ai py tui kang hai vui bo. Basan mawi ly jeirawm iy Karamela mawi ly a-au jawn bo. Lebanon mawi i kaseaung pauchi py rawm veng bo.

MATTHAI 14:30

Na i py ni ly ali theu nai niu iy jei i, tup amteaung nai kha y, “Areng! Kai ai sabawm kyh,” nanai aeu bo.

MATTHAI 8:25

Naibaly nichi ly mymy i ahawi y athui iy ni ai palaw i, “Areng awi! Kaichi ai lawi hai kyh, tama ai bo he,” napi.

MARKA 4:39

Naibaly mymy ly anglaw i ali ai jo iy, ang teng y py, “Anawn ly, awm pypy jau,” napi. Naibaly ali ly aham i rym chauchau bo.

LUKA 4:35

Naibaly Isu my ni ai jo i, “Katheu moh, ni i taku theung i nai theu jau,” napi. Naibaly vawinam ly ni ai sala y atlym hai chum iy, no hai y naimy ni i taku theung i nai theu.

LUKA 4:39

Naibaly mymy ly ni i ahawi y angdo iy no nai ai jo i, keaung no nai ly pra ryp bo, naibaly ni ly angthau praw i nichi ai kry.

LUKA 5:5

Naibaly Simon my ni teng y, “Sara, kaichi vaivum torei jang i ati sai py ngo y; na i py nang i leu y paleupy jang bi ai mang,” nanai pathang.

LUKA 8:25

Naibaly mymy ly nichi teng y, “Nangchi i ym naira ly ma mang y awm mo?” napi. Naibaly nichi ly jei i lyh parai nai, “Hini ly ami kha? Ali hawi tui sampyh malawn py leu pei i tangai lawh ly,” na u lengleang.