LUKA 7:12 - Khumi Common Language Bible

¹² Naibaly avang apai katheu ahawi y tym kha y khen cham, khumi kadei ai angjeaung nai theu, amhm i chapo leaungrei awm khyh nai ne, mymy ly neampachy lumai ne: naibaly avang i khumi neangneangchi ly mymy teng y awm teang.

LUKA 7:12 Iomraidhean Croise

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

ATITI AWM ANGCHEI NAI 22:2

Huna nai khala Tameuh my, “Nang i chapo leaungrei awm khyh nai, nang khrei keh nai chapo Isaka ai lo ly Moria pri y chei. Kaimy kang patei nai mawi salo y nang i chapo ai kai teng y apathyp,” napi.

2 SAMUELA 14:7

Hunaibaly areng awi, vai ly kai i amjo amnauchi my kai ai ka-jo hau i, kai i chapo katheang ai dei vui nai amjo i jeng y padei teang ai nai au, ang napi. Nichi my padei vui bi baly, kai i vui mo mang y athang khai bi naira, chapo leaungrei py by y leang bo. Kai i juvo kangpreang py myh vui ai bo,” napi.

1 ARENG KEH 17:12

Neampachy lumai my, “Kai teng y tako phirei py by y, nanai heng nai keung, nang i Areng Tameuh i amyn y kai vaineng abeu bo. Tako beung theung y tako dei angsorei hawi, asitui beung theung y olive asitui maidenreichy awm khyh. Huni maidenreichy naimy kai hawi kaimy i chapo vui tako paawp iy cha ai nai, hi y theng maidenreichy kaei nai ne. Huni bo baly kajeu ka-lam y kadei hawi ai nai khyh bo,” napi.

1 ARENG KEH 17:18

Neampachy lumai ly Elija teng y, “Aw Tameuh i khumi awi, nang ly ati mana nai kai ai hini patang naira tym hai lawh mo? Nang ly kai i chapo ai dei ai nai pa-rei Tameuh teng y, kai i kamngochi pany hai ai nai hini meingtym y jeu nai a?” napi.

1 ARENG KEH 17:23

Elija ly deaungdi ai tapawm iy anui mang y satla kathiu i, deaungdi amhm teng y, “Khen cham, nang i chapo ly heng teang bo he!” napi.

1 ARENG KEH 17:9

“Vai, nang ly Sidon mary sahawi awm nai Zarephath mary y chei ly hu y awm. Nang ai pacho panei ai nai huni mary i neampachy lumai teng y kaimy leu pei yb bo,” napi.

2 ARENG KEH 4:16

Huna nai khala Elisa my neampachy teng y, “Amlo hini neng khala, nang ly chapo tapawm ai mang,” napi. Neampachy my, “Aw areng, kai ai tapawp moh; nang ly Tameuh i khumi ne!” napi.

2 ARENG KEH 4:20

Miseaung ly deaungdi ai tapawm iy amhm teng y tha bo. Amhm ly kanithun ryrei my i phai tleaung y khai; hunai thym khala deaungdi ly dei vui bo.

JOBA 29:13

Khrikhri pa-rei paleung mawn nai khumichi my kai ai palo u. Kai ly neampachy lumaichi ai awmnem naira pei pi bo.

ZEKHARIAH 12:10

“Kai ly Davida i kangpreangchi hawi Jerusalem mary i takhra khumichi ai pahen ai nai phailo, chiu sa ai kawp nai phailo hawi angym hai ai. Nichi ly mychi i haisau hawi thun iy padei nai khumi ai khen iy, chapo leaungrei awm khyh nai i vui y vo tangam nai kamta, huni khumi i vui vo tangam u ai. Nichi ly chapo chalu dei nai khumichi kamta, khri pa-rei vo tangam u ai.

LUKA 7:11

Naibaly kra y nai sala y mymy ly avang harei, Nain napi naira y chei i, abangnaichi hawi mipui neangneangchi py chei u teang.

LUKA 7:13

Naibaly Areng ly neampachy lumai ai niu baly khrikhri pa-rei pahen i, “Vo reng moh,” napi.

LUKA 8:42

Naibaly Isu ly chei nai thym khala y khumi mipuichi ly mymy ai i meimeaung na.

LUKA 8:52

Naibaly khumichi bawibawi ly vo ryry nai paleung y atum ryry; hunaibaly ni my ly, “Vo u moh, mymy ly dei y leang, i ngym nai teu,” napi.

JOHAN 11:19

Hunaibaly mymy i ampro dei nai deaungkho y nini ai awm hai nem ai nai, Judachi neangneang ly Mari nini Martha teng y tym bo.

AMTAW 9:39

Naibaly Petera ly angthau i myni teng y chei teang bo. Naibaly tym bo nabaly ni ai salo i sambeu y chei hai; naibaly neampachy lumai bawibawichi ly mymy i ahawi y angdo iy Dorka mymychi teng y awm nai khala y baichu sa naichi, kanih sa naichi patei nai tarawi y vo u lengleang.

AMTAW 9:41

Naibaly Petera my kiu thawi pi i ni ai pathau bo; hunaibaly khumi kachaichi hawi, neampachy lumaichi ai palau iy heng teang nai patei bo.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.