LUKA 6:21 - Khumi Common Language Bible

²¹ “Vai kajeu alam naichi awi, nangchi ly taham hawi; nangchi ly bym pa-rei nga ai. “Vai vo naichi awi, nangchi ly taham hawi; nangchi ly panui ai.

LUKA 6:21 Iomraidhean Croise

ATITI AWM ANGCHEI NAI 17:17

Abraham ly meimai khaileaung y abi na pa-rei meung iy chiu bo; na i py ni ly “Khumi ly saneng chungvairei awm nai kha y deaungdi ngo pajau na a? Saneng vui takawrei awm nai Sarah ly deaungdi so rai na a?” nanai dawn pasym i panui bo.

ATITI AWM ANGCHEI NAI 21:6

Sarah my, “Tameuh ly kai ai amo theu hai, amnui ano hai i, thai nai khumichi ly kai hawi vanrei amo theu u ai,” napi.

SAM 107:9

Mymy ly tui ahai naichi ai tui kanghai dam hai; kajeu alam naichi ai, ati mo hawi parai naichi hawi kajeu kawi hai bo.

SAM 119:136

Khumichi ly nang i reita leu ai tangai u y nai deaungkho y, kai i mei katuichi ly tavo tui kamta leaung na bo.

SAM 143:6

Kai ly kiu pheu naimy nang teng y chiu sa bo; tui ahai nai khaileaung kamta, kai i phailo ly nang ai kadeaung nai ne.

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 28:7

Areng ly kai ai ama hai iy ang kry. Kai ly mymy ai ym bo. Mymy ly kai ai sabawm nai deaungkho y, kai ly amo theu naimy palo nai khulym thui nai ne.

SAM 65:4

Nang i Achura yhm y awm iy, nang teng y ahihawi ai nai nangmy vawi takhra nai khumichi ly taham hawi nai ne. Kaichi ly nangmy i yhm dengdairei hawi nairachi, nang i Achura yhm kachai i amtheaung nairachi nga u nai deaungkho y, paleung tienem ai.

ISAIA 25:6

Ati cheaungkhang sa thai nai keung Areng ly Zion mawi salo y, khaileaung pri y awm nai khumi cheng cheaungkhangchi i vui, hawi keh nai teicha teineichi hawi, hawi keh nai kreip hangchi hawi, dym biu cha pawi pui sa pi ai.

ISAIA 30:19

Jerusalem mary y awm nai khumichi awi, nangchi ly vo pi u ai ny y. Areng ly pahen nai ne. Sabawm naira nga ai nai mymy teng y nangchi a-au u nai khala y, mymy ly tangai iy pathang pi ai.

ISAIA 66:10

Jerusalem mary ai paleung apei nai khumichi awi, ni hawi vanrei amo theu u; ni i vui amo theu u! Huni mary i vui paleung si vo tangam nai khumi bawibawichi awi, vaimy ni hawi vanrei amo theu u!

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 31:25

Kai ly paha nai khumichi ai khesere pa-rei atho awm hai iy, kajeu alam nai deaungkho y atho bai nai khumichi ai bym pa-rei pacho ai.

JEREMIA 31:9

Nichi ai kaimy kapahawi ali teang nai khala y, kai i khumichi ly chiu sa naimy vo tangam u iy ang vawi u ai. Kai ly nichi ai tuino leaung nai meingtymchi hawi, nichi athei y, avah y ai nai lam kahawi mang kapahawi ai. Kai ly Israela chengchi i ampo ne iy, Ephraim cheng theaung ly kai i chapo chalu ne.”

JEREMIA 9:1

Kai ly dei naira avum nai kai i chengchi i vui vum kanithun vo pajau ai nai kai i meichi ly meikatui ly tuino kamta py, kai i lu ly tuikan kamta py, lawm ai ngai parai na bo.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

Ezekiela 9:4

“Nang ly Jerusalem mary verei amki iy khumichi vai, sa u nai amso ngai nairachi molam y, vo tangam nai khumi ngiereichi i lu kati y ka-ma-ra so,” napi.

MATTHAI 5:4

“Paleung mawn naichi ly taham hawi: nichi ai ang awm hai nem ai.

MATTHAI 5:6

“Hawi naira nga ai nai kajeu kanglam tui kanghai dawn y pa-rei hau naichi ly taham hawi: nichi ly bym pa-rei nga ai.

LUKA 1:53

Kajeu alam naichi ai ly ati mo hawi parai nai hawi kajeu ang kawi hai bo; Kanangchi ai ly beng tlairei pato veng bo.

LUKA 6:20

Naibaly angdeang i abangnaichi ai khen iy, “Khumi kamawnchi awi, nangchi ly taham hawi; Tameuh i peang naira ly nangmychi i ne.

LUKA 6:22

“Khumi i Chapo deaungkho y khumichi my nangchi ai niu ngai y nai ang jo iy, nangchi i amyn hawi y, nanai nichi my paleang nai khala y ly nangchi tahm hawi ai.

LUKA 6:25

“Vai kajeu kawi naichi awi, nangchi ly taham si! Nangchi ly kajeu alam ai. Vai panui naichi awi, nangchi ly taham si! Nangchi ly paleung py mawn ai, vo py vo ai.

JOHAN 11:35

Isu ly vo bo. Naibaly Judachi my ly,

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JOHAN 6:35

Naibaly Isu my nichi teng y, “Kai ly heng nai tako ne:ami py kai teng y jeu nai ly biu alam y ai, ami py kai ai ym nai ly mana khala y py tui ahai y ai.

I KORINTH 4:11

Vai khrairei kaichi ly biu py alam, tui py ahai, ateaung py ateaung pajau y, khumi i nui chamum chami tabeang peung pang nai py ne; awmra py ma pany y;

II KORINTH 11:27

sa akawm nai hawi myn kaji pho naira y py, i thai y nai tlen neangneangra y py, kajeu alam nai hawi tui ahai naira y py, tlen neangneang biu hai naira y py, tlang ka-keu awm nai padeng naira y py kaawm.

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

II KORINTH 6:10

paleung mawn nai kamta, na i py kawn jojo lawh nai; kamawn kamta, na i py khumi neangneangchi ai nang hai lawh nai; ati sai py by y nai kamta, na i py ati cheaungkhang neangneang awm lawh nai.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

AMTENG HAI NAI 21:3

Naibaly areng atehra theung i dengdairei ly raawi pajeng naimy, “Khen cham, Tameuh i awm naira ly khumichi theung y awm bo: mymy ly nichi teng y awm hai ai i, nichi py mymy i khumichi lawm ai; Tameuh kypkyp my ly nichi teng y awm hai ai i, mymy ly nichi i Tameuh lawn ai.

AMTENG HAI NAI 7:16

Nichi ly kajeu alam bi y ai, tui py ahai bi ai ny y, kanito hawi kabi my py nichi ai ang ai ny y: