LUKA 6:13 - Khumi Common Language Bible

¹³ Naibaly khutawi baly ni teng y abangnaichi ai palau i, nichi theung i nai holai nyhreichi ai vawi takhra iy amyn y py amtaw thau naichi, nanai pathi;

LUKA 6:13 Iomraidhean Croise

MATTHAI 10:2

Naibaly abangnai leaung holai nyhreichi i amyn ly hinichi ne: Kangman keh i nai ly Simon, Petera napi bi nai hawi mymy i amnau Andria py; Zebedai i chapo Jakob hawi mymy i amnau Johan py;

MATTHAI 19:28

Naibaly Isu my nichi teng y, “Meitang khyp kang thui pi, atiti bawibawi kangtha sa palai bi naira y ly khumi i Chapo ly mymy i nang parai nai atehra y ateh nai khala y ly nangchi, kai teng y abangnaichi ly Israela cheng holai nyhreichi ai tara chih ai nai, nangchi py areng atehra holai nyhrei naira y ateh u teang ai.

MATTHAI 9:36

Na i py mymy ly khumi mipuichi ai niu iy typ nai keung by y nai beramchi kamta patang nai hawi ahei nai deaungkho y khrikhri pa-rei pahen bo.

MARKA 6:30

Naibaly amtaw thau naichi ly Isu teng y achu iy, ati cheaungkhang nichi i atiti sa nai hawi patiu nai ngierei py ni teng y thui pi bebe.

MARKA 6:7

Naibaly mymy ly leaung holai nyhreichi ai ly mymy teng y palau iy, leaung nyh leaung nyhrei ai pato amteaung: vawinamchi tleaung y aly peang ai naira py nichi teng y pei.

LUKA 11:49

Hunai deaungkho y Tameuh i chengra my py ‘Nichi teng y amochi hawi amtaw thau naichi ai kapato ai i, phyreichi ai ly padei ai, phyreichi ai ly ana ai;

LUKA 22:30

Ngaai my kai ai peang naira ang sa pi rym nai kamta, peang naira kang sa pi rym mang:hunaibaly Israela cheng holai nyhreichi ai tara chih pi nai areng atehra y nangchi ateh ai.

LUKA 6:14

Simon, Petera pathi teang nai hawi, ni i amnau Andria hawi, Jakob hawi, Johan hawi, Philipa hawi, Bartholomai hawi, Matthai hawi, Thoma hawi,

JOHAN 4:33

Hunaibaly abangnaichi ly arum i, “Ni i cha ai nai ami my syn pi cham be?” na u.

AMTAW 1:13

Naibaly tym u i mymychi i awm naira salo i sambeu y lyn kalau bo; Petera py Johan py Jakob py Andria py, Philipa py Thoma py, Bartholomai py Matthai py, Alphai i chap Jakob py, Zelota kamkawmchi i khumi Simon py, Jakob i chapo Juda py.

EPHESI 2:20

Krista Isu kypkyp ly taki i lengseaung avo keh nai lawn iy, nangchi ai amtaw thau naichi hawi amochi i lengseaung leng nai tleaung y ang sa hai nai ne;

EPHESI 4:11

Naibaly achi ly ym naira paleung vanrei y hawi, Tameuh i Chapo ai pany naira y hawi, khumi ka-cheang lawn naira y hawi, Krista i angym naira len nai sai tanrei nai py achi bawibawi ataing y ryrei ly,

HEBRAI 3:1

Hunaibaly amjo amnau kachai, kani pri mang i palau nai phy nga naichi awi, achi i ym nai leu Amtaw Thau nai Keung hawi, Pathyp pi nai Keung kalen keh Isu ai ly dawn u.

II PETERA 3:2

huni nyhrei ra y ly nangchi ai adawn hai vau iy nangchi i paleung kachai amcheng hai nai ne.

AMTENG HAI NAI 12:1

Naibaly kani mang y ly ka-ma-ra atiti rengrang tlai nai amteng bo; neampachy leaungrei kanito amthyp naimy, ni i kheu anui y lo py awm, ni i lu y py ka-si holai nyhrei awm nai areng lukhym amym teang;

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 21:14

Naibaly avang pui apai ly lengseaung leng nai lengseaung holai nyhrei awm i, hunira y ly Beram Cho i amtaw thau nai holai nyhreichi i amyn holai nyhrei awm.