LUKA 6:12 - Khumi Common Language Bible

¹² Naibaly hina nai ne, huni neng khala y mymy ly theu i chiu sa ai nai mawi y chei iy Tameuh teng y vum torei chiu sa.

LUKA 6:12 Iomraidhean Croise

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

DANIELA 6:10

Samrang ly hina nai lamai nip typ chum veng bo, nanai thai nai khala y, Daniela ly yhm y vawi jo bo. Ni i yhm salo sambeura, Jerusalem mary mang mo tha nai thaibeng pa-khochi awm. Ni ly huni sambeura y mymy i sa reng nai kamta, thaibeng pa-kho sahawi y kheukhu di iy, kanirei y tlen thomrei, Tameuh teng y chiu sa nai ne.

MATTHAI 5:1

Hunaibaly mymy ly khumi mipuichi ai niu i mawi y kalau: naibaly mymy ly ateh i mymy teng y abangnaichi ly ni teng y chei u:

MATTHAI 6:6

Na i py nang naini chiu sa khala y ly nang i panglai katem y kun ly, naibaly katheu kho veng iy Ngampo kangviu y awm nai teng y chiu so: hunaibaly Ngampo kangviu y niu reng nai my ly ang heung ai mang.

MARKA 1:35

Naibaly mymy ly khawn mang y khutawi ai nai aveng rai khala y my angthau nai theu i, ka-vymra y chei iy hu y ly chiu sa.

MARKA 3:13

Naibaly mymy ly mawi y chei kalau iy, mymy i ngai nai ngiereichi ai ly palau i, nichi ly mymy teng y chei u.

MARKA 6:46

Naibaly mymy ly nichi ai amprei hai nai bo y ly, chiu sa ai nai mawi y lyn kalau.

LUKA 5:16

Na i py mymy ly ka-vymra y chei takhra iy chiu sa.

LUKA 6:11

Hunaibaly nichi ly khrikhri pa-rei kado theu u i, Isu ai sa ai nai sai arum u bo.

LUKA 6:17

Naibaly mymy ly nichi hawi vanrei chei kathiu i adym y angdo iy, ni teng y abang nai khumi mipuichi hawi Judai pri meingtym tleirei hawi, Jerusalem hawi, Tura hawi Sidon pangli peang i nai py khumi neangneang awm teang i, ni i leu tangai ai nai hawi nichi i no hawi sa pi ai nai py jeu u nai ne;

LUKA 9:18

Naibaly hina nai awm, mymy tlairei chiu sa nai thym khala y abangnaichi ly mymy teng y awm; naibaly mymy ly nichi teng y, “Khumi mipuichi my kai ai ami napi mo?” nanai deng.

LUKA 9:28

Naibaly hina nai awm, huni leu thui nai bo y kani tajarei mo khala, mymy ly Petera hawi, Johan hawi, Jakob ai py hawi iy chiu sa ai nai mawi asang parai naira chei kalau.

LUKA 9:29

Naibaly ni ly chiu sa nai thym khala ly, ni i meimai awm nai sai ly takhra lawh i, ni i ateaung py kaleung nai alaukau na.

JOHAN 6:3

Naibaly Isu ly mawi y lyn kalau i hu y ly abangnaichi hawi ateh.

KOLOSA 4:2

Chiu sa ai nai patlaw u moh ly, hunira y ly kawn nai leu thui u nai tarawi y atyp u;

HEBRAI 5:7

Ni ly tlang y awm nai thym khala y ly, dei naira y mymy ai paheng pajau nai keung teng y ly khrikhri pa-rei aeu nai hawi mei katiu tla nai tarawi y chiu sa nai hawi atiti hnei nai talam iy, Tameuh teng y aau nai deaungkho y ang tangai pi:

1 SAMUELA 15:11

“Sawla ai samrang kapalyn nai ly tamang bo; ni ly kai ai hi vui iy, kai i leu tangai y lawh bo,” napi. Samuela ly kado theu bo. Ni ly Areng teng y vumtorei ahui pi iy,