LUKA 4:43 - Khumi Common Language Bible

⁴³ Na i py ni my ly nichi teng y, “Avang takhra y py Tameuh i peang nai Satang Kahawi kathui pi ai nai tla, huni molam y kai ai ang pato nai tang,” napi.

LUKA 4:43 Iomraidhean Croise

ISAIA 48:16

“Vai, kai i sahawi y jeu iy, kai i thui nai leu tangai u. Kai ly angchei khala i my nangchi teng y kang thui pi keng veng bo. Huni leaungsai amteaung nai khala my, kai ly awm,” napi. (Vai, Areng Tameuh ly kai ai sa thai naira pei iy ang pato nai ne.)

MATTHAI 4:23

Naibaly Isu ly Judachi i achura yhm takhra takhra y leu patiu i Tameuh i peang nai Satang Kahawi thui pi iy, khumichi theung y no nai cheaungkhang man nai hawi, ham y naira cheaungkhang hawi sa pi nai Kalili pri bawibawi amki prei bo.

MARKA 1:35

Naibaly mymy ly khawn mang y khutawi ai nai aveng rai khala y my angthau nai theu i, ka-vymra y chei iy hu y ly chiu sa.

JOHAN 20:21

Naibaly Isu my nichi teng y, “Nangchi teng y paleung awmnem naira awm sy. Ampo my kai ai pato nai kamta, nangchi ai py kaimy kang pato teang he,” napi bi.

JOHAN 9:4

Kanithun khala y ly kai ai pato nai keung i kalop achi sa ai nai tla, vum ne ai bo he, hunai khala y ly ami py kalop sa thai ai ny y.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

II TIMOTHEI 4:2

Tameuh i leu thui; mana khala y py atho so veangveang; kham pajau tanga naimy patiu nai tarawi y parip py parip, preng py preng, pachei py pachei.