LUKA 4:22 - Khumi Common Language Bible

²² Naibaly nichi bawibawi ly mymy ai kawn iy ni i labeaung i theu nai tamen nai leu ly lyh parai na i, “Hini khumi ly Josepha i chapo ny y lawh kha?” napi.

LUKA 4:22 Iomraidhean Croise

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

SAM 45:4

Ka-ym awm nai hawi adyh adawi naira my peang ai nai molam, sa thai naira haiho hawi vanrei atiu iy, eaung naira ngo ba! Samrang nang ly nangmy i haiho hawimy, eaung pawi puichi avum ai.

LEU KACHENG 10:32

Khumi meitangchi ly kapahenra kawi angym nai leuchi katheu u reng; na i py khumi hawi y naichi ly no hai au nai leuchi katheu u reng nai ne.

LEU KACHENG 16:21

Tau cheng naira angym nai khumi ly cheng naira awm nai khumi, nanai amthang reng. Ni ly leu tui nai hawimy ami i paleung ai parawi pajau nai ne.

LEU KACHENG 25:11

Amlau parai nai leu katheu nai ly muku hawi ka-pu sa nai tangka ateaung hawi atawm nai ne.

Parip nai leu 10:12

Khumi kacheng i leu ly amy ai tahm awm hai iy, khumi ka-khum i leu ly amy ai phra naira tym hai reng.

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

ISAIA 50:4

Atho bai nai khumi ai atho awm teang ai nai mana atho pei ai mo, nanai kai Areng my leu pei nai ne. Mymy thui pi ai naichi tangai ai nai mymy ly kai ai khawn tleirei, awn hai na bo.

LUKA 2:47

Naibaly mymy i leu thai nai ngiereichi ly ni i pany thai nai sai hawi pathang nai sai py lyh parai.

LUKA 2:48

Naibaly mymy i amhm ampo my ly mymy ai niu baly rengrang tlai ly, napi; hunaibaly amhm my mymy teng y, “Deang awi, ati mana nai y kaini ai hina nai sa lawh mo? Khen cham, ngampo kaini my paleung si hyh naimy kang hau na a,” napi.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

LUKA 4:21

Naibaly mymy ly nichi teng y, “Hini Tameuh i cha-iu leu sai ly vaini nangchi i kano y thai hai angym bo,” nanai thui amteaung.

JOHAN 1:45

Philipa ly Nathanaela ai hau i ni teng y, “Ni i satang Mosi my Reita cha-iu y hawi, amochi my tajiu nai py kaichi niu bo, Nazaret Isu, Josepha i chapo ai ly,” napi.

JOHAN 6:42

“Hini khumi ly Josepha i chapo Isu ny y lawh a? Ni i amhm ampo ai py achi pany be. ‘Kani pri mang i dengdairei kang satla kathiu nai ne,’ nanai ly mana nai thui nai mo?” napi.

JOHAN 7:46

Miseaung luchi my ly, “Hunai kamta khumi ami py tlen py leu thui vai y leang,” nanai pathang.

AMTAW 6:10

Na i py ni i cheng naira hawi thui hai nai keung Pahilo ai ly ei pajau y.

TITA 2:8

nang ly ati cheaungkhangra y kahawi sa nai lam y khen pata naira kahawi ne, nanai amteng hai ba; nang i patiu naira y ly nang i leu meitang patiu nai sai hawi, nang i tahm awm nai sai hawi, nang i chih pajau y nai leu thui nai sai kateng py amteng hai ba.