LUKA 3:20 - Khumi Common Language Bible

²⁰ mymy i atiti sa nai bawibawi panawira nai ni ai ly theaung y paeung.

LUKA 3:20 Iomraidhean Croise

2 ARENG KEH 21:16

Manase ly Juda mipuichi ai myn chiu ai nai lam patei iy, Areng i tlang tleaung y sa tamang hai bo. Huni bo y kamngo by y nai khumi neangneangchi ai padei iy, Jerusalem mary lamchi ra y thi leaung hai bo.

2 ARENG KEH 24:4

mymy mei ka-niu i dengdairei, patheu pawn ai ngai nai deaungkho y, hina nai kamta sa nai ne. Huni kamngo molam y Areng ly Manase ai kamngo pahen pi y bo.

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

NEHEMIA 9:26

“Na i py nang i khumichi ly nang ai tiu iy, nang i leu tangai u y; nichi ly nang i Reita leu pei naichi khai u su nai ne. mymychi ai pany hai nai keung, mymychi ai nang teng y ali teaung ai nai thui pi nai keung amochi ai padei u. Nichi ly nang i tlang tleaung y avawrei mei aniu u y nai ne.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

MATTHAI 4:12

Naibaly Johan ai patiu bo, nanai Isu ly pany baly Kalili pri y chei vui bo;

JOHAN 3:24

Hunai khala y ly Johan ai theaung y khai y rai.

AMTENG HAI NAI 16:6

Nichi ly nang i khumi kachaichi hawi amochi i thi lei iy, Nang ly nichi ai thi nei hai bo; avo y!” napi nai kathai.