LUKA 24:6 - Khumi Common Language Bible

⁶ Mymy ly hi y by y leang bo, angthau teang bo. Kalili pri y awm nai khala y nangchi teng y leu ang thui pi nai ly pany u ali ba:

LUKA 24:6 Iomraidhean Croise

MATTHAI 12:40

Jona ly ngo kalen pui i kajeu theung y kani kani thomrei vum vum thomrei awm nai kamta ly, Khumi i Chapo ly khaileaung theung y kani kani thomrei vum vum thomrei awm teng ai he.

MATTHAI 16:21

Huni dengdairei baly mymy ly Jerusalem avang y chei ai nai tla nai sai hawi, miteaung kehchi, pathyp pi nai keung kalenchi, Reita patiu nai keungchi teng y mymy i atiti neangneang patang ai nai saichi py, ni ai padei ai nai saichi py, kani thomrei kani y pathau teang ai nai saichi py Isu ly abangnaichi teng y thui pi amteaung bo.

MATTHAI 27:63

“Areng awi, huni tapawp nai keung ly mymy heng nai khala y ly, ‘Kai ly kani thomrei kani y angthau teang ai,’ nanai kaichi ly adawn vau bo.

MATTHAI 28:6

Mymy ly hi y by y leang bo: mymy i thui nai kamta angthau teang veng bo ly. Choh, mymy i aseaung nai meingtym khen cham.

MARKA 16:6

Hunaibaly mymy ly nichi teng y, “Paleung bi u moh; nangchi ly kraws tleaung y tahen chum nai Nazaret avang Isu ai ly hau u nai ngaw khyh: ni ly angthau teang veng bo: mymy ly hi y by y leang bo: nichi i mymy ai paseaung nai meingtym khen u cham!

MARKA 8:31

Naibaly Khumi i Chapo ly atiti neangneang patang ai nai saichi py, miteaung kehchi hawi, pathyp pi nai keung kalen kehchi hawi, Reita patiu nai keungchi my ngai y ai nai saichi py, ni ai padei ai nai saichi py, kani thomrei nai kha y angthau teang ai nai saichi py nichi ai patiu amteaung bo.

LUKA 24:34

“Areng ly angthau bi khypkhyp bo; Simon teng y py amteng bo,” napi nai arum achu nai niu.

LUKA 24:5

naibaly jei nai mymychi i meimai khaileaung y byh nai thym khala y, nini my ly nichi teng y, “Ati mana nai khumi kadei theung y khumi kangheng ai hau u lawh?

LUKA 9:22

“Khumi i Chapo ly atiti neangneang patang ai nai tla: miteaung kehchi hawi, pathyp pi nai keung kalenchi hawi, Reita patiu nai keungchi my ngai y nai awm ai nai tla, ni ai padei ai nai tla, kani thomrei kani y pathau teang bi ai nai tla,” napi.

LUKA 9:44

“Hini leu ly nangchi i kano y kun sy: Khumi i Chapo ai ly khumichi i kiu y patiu hai ai,” napi.

AMTAW 2:24

Mymy ai ly deira my patawn pajau ai nai ly aveng nai deaungkho y, deira my kawm naichi ly Tameuh my su pi i pathau bo.

II THESALONIKA 2:5

Kai ly nangchi teng y kang awm nai thym khala y huni leu ly kang thui pi rengreng, nanai pany u jojo y nai sai a?