LUKA 19:12 - Khumi Common Language Bible

¹² Hunaibaly mymy ly hini leu thui i, “Khumi kanang ami mo pri peang ai nai leu la iy ali bi ai nai, pri kamlo paraira y chei.

LUKA 19:12 Iomraidhean Croise

MATTHAI 21:38

Na i py akho kry nai keungchi ly mymy i chapo ai niu bo nabaly, ‘Hini ly yhmtheaung kamtym ne; choh, padei u sina, mymy i yhmtheaung amtym ai nai ly lo pi sina,’ nanai mymychi tengtawi arum u bo.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MARKA 12:1

Naibaly mymy ly nichi teng y pata nai leu takhra takhra thui amteaung i, “Ami mo kreip akho sa i, apai akawm iy, kreip athai ati ai naira angawm py tai: naibaly chang ka-sang sa i, akho kry nai keungchi teng y hlau ai nai vang pei iy, pri takhra y chei vui.

MARKA 16:19

Hunaibaly Areng Isu ai ly nichi teng y leu thui pajau iy, kani pri mang y hawi kalau i, Tameuh i lamtang mang y ateh bo.

LUKA 20:9

Naibaly mymy ly khumichi teng y hini pata nai leu thui amteaung i, “Ami mo kreip akho sa i kry nai keungchi teng y hlau ai nai vang pei iy, kra rawm ai nai pri takhra y chei vui.

LUKA 24:51

Naibaly hina nai ne, amtheaung hai nai thym khala y nichi hawi amprei i, ni ai ly kani pri mangy pahawi kalau veng bo.

JOHAN 18:37

Naibaly Pilata my ni teng y, “Nang ly samrang cham mo?” napi. Isu my, “Nangmy kai ai samrang napi be. Leu meitang pany hai ai nai kai ai tapen nai hawi, khaileaung pri y kang jeu nai tang. Ami py leu meitang awm nai ngierei ly kai i leu tangai,” napi.

AMTAW 17:31

mymy ly mymy i khumi khai rym nai ai ly khaileaung pri y hawihai palai tarahih hai ai nai kani thui yb nai deaungkho y; huna nai Tameuh my mymy ai ly kadeichi theung i dengdairei pathau iy, khumi bawibawichi teng y thai hai khyp bo,” napi.

I KORINTH 15:25

ati mana nai mo nabaly mymy ly mymy i paleung ka-e bawibawichi ai mymy i kheu anui y khai y ryrei ly, ni ly peang ai nai tla yb nai ne.

HEBRAI 9:28

Krista ai py khumi neangneangchi i kamngo la vui ai nai tlenrei talam iy, paheng naira tym hai ai nai mymy ai ajeng nai keungchi teng y ni ly kamngo abawi y naimy pa-nyh amteng teang bi ai.

I PETERA 3:22

Isu Krista ly kani pri mang y lyn kalau iy Tameuh i lamtang mang y awm bo; kani pri i amtaw thau naichi hawi, aly peang nairachi hawi, atiti sa thai nairachi py mymy i ngaingai y awm hai bo.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.