LUKA 18:7 - Khumi Common Language Bible

⁷ Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

LUKA 18:7 Iomraidhean Croise

SAM 88:1

Kai ai atleu nai keung Areng Tameuh, kai ly kani thun y aeu iy, vum y ly nang teng y ahihawi nai ne.

SAM 9:8

Khaileaung pri y leu meitang naimy peang iy, khumi cheng cheaungkhangchi ai adyh adawi naimy tara chih nai ne.

THEU NAI 22:23

Nangchi ly huni khumichi ai ana nai deaungkho y, nichimy kai teng y kasabawmra hnei lawh baly, Kai Areng my pathang pi ai.

ISAIA 40:27

Israela chengchi awi, tuna lawh baly Areng ly nangchi i ngari kamtangchi pany pi y nanai py, nangchi avum nai teng y nai leaungsaichi molam y paleung apei y nanai py ati mana nai nangchi tangam u lawh mo?

HABAKKUK 2:3

Huni atitichi meitang khyp ang tym ai nai neng ly tym y leang rai. Na i py kaimy patei ai naichi tym angchi khyp ai nai neng ly ang tym kasa praw ryp ai. Huni neng ly tym patyh kyh ai nai athang khai. Na i py tym angchi khyp ai bo i, ajeng rym naimy awm ba, kra y leang mang.

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

LUKA 11:13

Hunaibaly nangchi khumi kamngo malawn py chanauchi teng y atiti kahawi pei ai nai sai pany baly, kani pri mang i Ngampo ly hnei nai keungchi teng y ly Phailo Kachai mana tanrei ang pei ai mo?” napi.

LUKA 2:37

naibaly saneng vui taja takaw saneng palyhrei lumai ateang i, miteaung pui na bo. Ni my ly achura yhm kalen pui ai khai su y naimy biu hai nai hawi, chiu sa nai hawi vum kanithun Tameuh ai chiu reng.

LUKA 21:28

Naibaly hina nai atitichi tym angchei nai khala y ly khen u kalau ly, angdeang u, ati mana nai mo nabaly nangchi ai atleu ai naira ly kasa nai bo,” napi.

ROM AVANGCHI TENG Y PAWLA I CHA PA NAI 8:33

Tameuh i vawi nai khumi ai ly ami my ang seu ai mo? Eaung hai nai keung ly Tameuh ne khy veng;

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

I THESALONIKA 3:10

Kaichi ly nangchi i meimai niu thai ai nai hawi, nangchi i ym naira mang y avaw nai angym hai thai ai nai py, vum kanithun y khri pa-rei chiu kasa reng.

II THESALONIKA 1:6

Tameuh ai pany y nai hawi achi i Areng Isu Krista i Satang Kahawi tangai y naichi i tlang tleaung y tavawi thai ai nai,

I TIMOTHEI 5:5

Naibaly neampachy lumai cheaungti mymy tlairei chy awm khyh nai ly Tameuh ai khri pa-rei athang khai i, vum kanithun hnei iy, chiu py sa jojo ;

II TIMOTHEI 1:3

Kai ly anawn y naimy kai i chiu sa naira y ly ka-dawn hai vau reng nai kha y ly Tameuh teng y kawn nai leu kathui; kai ly amsi sangumchi i sa nai kamta, hawi nai hawi y nai pany naira chai pyn nai awm iy mymy i kalop kasa reng nai ne.

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

I PETERA 1:1

Petera, Isu Krista i amtaw thau nai my ly, Ponto pri y hawi, Kalatia pri y hawi, kapadokia pri y hawi, Asia pri y hawi,

II PETERA 3:9

Phyreichi ly dawndan y nai dawn nai kamta Areng ly mymy i leu adeu naira molam y ly dawndan y nai ny y leang; ami ai py tama hai ai nai ngai y i, khumi bawibawichi uikhei ai nai ngai nai, nangmychi ai ang kham pi nai teu.

AMTENG HAI NAI 18:20

Aw! Kani pri hawi, khumi kachaichi hawi, amtaw thau naichi hawi, amochi awi, mymy i tlang tleaung y kawn u; ni i nangchi i tlang tleaung y tara chih nai ly Tameuh my ni i tlang tleaung y tara chih pi teang bo,” napi nai kathai.

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.

AMTENG HAI NAI 7:15

Hunai deaungkho y nichi ly Tameuh i areng atehra mo y awm u i, mymy i achura yhm kalen pui y vum kanithun mymy i kalop sa pi jojo: naibaly areng atehra tleaung y ateh nai keung ly nichi i salo y mymy i kanih yhm py jang ai.