LUKA 18:13 - Khumi Common Language Bible

¹³ Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

LUKA 18:13 Iomraidhean Croise

2 SAMUELA 12:13

Davida my, “Kai ly Areng i ngai y nai kasa lawh bo,” nanai ahui baly Nathan my, “Areng ly nang i kamngo pahen bo i, deira i nai lawi hai bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

EZARA 9:6

Kai ly “Aw Tameuh, kaichi i kamngo ly kaichi i lu um nanai pa-rei nawi na bo. Huni kamngochi ly kani mang y angteu na bo.

JOBA 42:6

Hunai deaungkho y kai ly kaimy i katheu chum nai leuchi molam y, kaji naimy spryh hawi maidym theung y ateh iy, uikheih naira nga bo.

SAM 106:6

Kaichi ly amsi pajochi kamta, kamngo sa u; khumi aso y nai kasa u bo.

SAM 119:41

Aw Areng, nang ly kai ai mana tanrei tamen mo, nanai patei ba; nang i leu adeu nai kamta, kai ai atleu kyh ba.

SAM 130:7

Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

SAM 25:11

Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

SAM 25:7

Hawi thym hawisai thym khala y kai i sa tamang nai kamngochi hawi, kateng so y naichi ai pahen kyh ba. Nang ly khaw parai nai tamen naira awm iy, neaung hawi nai sai molam y, kai ai pany jo kyh ba.

SAM 40:12

Kati pajau y na pa-rei nawi parai nai patang nairachi ly kai ai taki na ly! Kai i kamngochi my kai ai hui kai nai deaungkho y, kai ly niu pajau y bo. Huni kamngochi ly kai lura i sam tleaung y nawi parai i, kai ly paleung phra na bo.

SAM 41:4

Aw Areng, kai ly nang i tlang tleaung y kamngo sa bo. Kai ai pahen iy noso hawi hai kyh ba, nanai takeng bo.

THEU NAI 33:10

Khumi bawibawichi ly Tabynako katheu pa-kho y tamai beu nai niu baly, lu meung iy chiu u bo.

ISAIA 1:18

Areng my, “Vai, nangchi i sa nai sai adawn pasym u sina. Nangchi ly kamngo thi akau naimy awm. Na i py kai ly nangchi ai ji amai kamta kaleung pa-rei paju pachai pi ai. Nangchi ly kamngo thi hawi pasen na teu i py, palopi kamta kaleung hai ai.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

DANIELA 9:5

“Kaichi ly kamngo sa tamang u. Teng y naichi kasa u lawh. Amso ngai naichi ne iy ka-awi sa u lawh bo. Kaichi ly nang i leu pei naichi khai su iy, nang i sa pi nai reitachira i nai en vui lawh bo.

MATTHAI 10:3

Philipa hawi Bartholomai py; Thoma hawi akeu cheaung nai keung Matthai py;

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

MATTHAI 9:13

Hunaibaly nangchi ly chei iy, ‘Kai ly apathyp naira ngai y i, pahen naira ngai,’ nanai leu sai awm nai sai amtiu u: kai ly khumi kahawichi ai palau ai nai kang jeu nai ny y leang, khumi kamngochi ai palau ai nai kang jeu nai teu,” napi.

MARKA 11:25

Naibaly nangchi i Ampo kani pri mang y awm nai my ly nangchi i taphra nairachi ang pahen ai nai, nangchi chiu sa nai angdo nai tleirei ly ami i tlang tleaung y py nangchi ati mo leu hawi y nai awm baly pahen u.

LUKA 17:12

Naibaly mani avang y mo kun ai nai khala y keaungsi awm nai cheichei khumi leaung horei mymy hawi avum u i, kamlora y angdo iy athorei my,

LUKA 22:41

Naibaly mymy ly lengseaung aphi nai ka-pho ryrei mo ra y chei takhra i,

LUKA 23:48

Naibaly huni atiti khen ai nai khumi mipui achu nai bawibawichi ly huna nai sa naichi niu i, mymychi i paleung y atum ryry naimy vawi ali teang bo.

LUKA 5:8

Naibaly Simon Petera ly huna nai niu baly Isu i kheukhu ahawi y ambeu iy, “Areng, kai ai khai su ba, kai ly khumi kamngo he,” napi.

AMTAW 2:37

Naibaly huna nai leu thai i nichi i paleung y thun iy Petera hawi abangnai takhrachi teng y, “Amjo amnauchi awi kaichi mana sa ai mo?” napi.

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

II KORINTH 7:11

Hunaibaly khen u cham, Tameuh i ngai nai kamta paleung mawn naira awm u nai kypkyp my ly, amkym naira py, tlau thai y nai pa-rei py, paleung hawi y naira py, jei naira py, ngai parai naira py, khrikhri pa-rei sa naira py, pajeng naira py nangchi ai khrikhri pa-rei sa hai na ly! Ati cheaungkhangra y nangchi ly huni molam y ly chai u bo, nanai amteng u hai bo.

I TIMOTHEI 1:15

Krista Isu ly khumi kamngochi ai paheng ai nai khaileaung pri y ang jeu, nanai ly ka-ym awm i, khrikhri pa-rei ym ai nai hawi; kai ly nichi theung y kamngo keh nai ne he:

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

HEBRAI 8:12

Nichi i taphra naira y kapahen ai, Naibaly nichi i kamngochi py tlen py kapany pi jo y leang bo,” ang napi.