LUKA 18:12 - Khumi Common Language Bible

¹² Kani saryhei y biu tlen nyhrei kahai; kai i nga nai ngierei horei y harei kapei,’ napi.

LUKA 18:12 Iomraidhean Croise

2 ARENG KEH 10:16

kai hawi vanrei abang iy, kai ly Areng i vui manatanrei paleung apei na mo, nanai nang niu ai,” napi. Naibaly nini ly ka-ri atang hawi naimy, Samari mary mang y chei hawi bo.

ISAIA 1:15

“Nangchi kiu pheu iy chiu sa u nai khala y, kai ly nangchi mang y hi iy kang khen pi ai ny y. Nangchi i kiuchi ly kamngo thi akau nai deaungkho y, nangchi mana tanrei ham parai naimy chiu sa u teu i py, kang tangai pi ai ny y leang.

MALAKHI 3:8

Khumi ly Tameuh ai li-tapawp ngau a?, nanai nangchi ai kang deng ai nai ngai. Hina nai sa ai nai avo y i py, nangchi ly kai ai li-tapawp u nai ne. Nangchi my, ‘Kaichi ly mana kang tapawp u mo?’ nanai thui baly horei y harei talam nai hawi katalamrachi talam nai ngiereichi molam y ne, nanai pathang ai.

Kati Nai 18:24

Kai teng y Israela chengchi my talam pathyp nai horei y harei ly Levi theaungchi teng y kaimy pei yb nai deaungkho y, Israela pri y yhmtheaung katui amtym ai nai ngo y bo. Huna nai y nichi ly Israela pri y yhmtheaung katui amtym ngau y, nanai kaimy leu pei yb nai ne,” napi.

Kati Nai 23:4

Naibaly Tameuh ly ni hawi ka-vum sa ai nai satla kathiu bo. Huna nai khala y Balam my Areng teng y, “Kai ly maicham saryhrei sa iy maicham tleireira y si katai ha harei hawi beram katai ha harei py talam bo,” napi.

MATTHAI 5:20

Nangchi i hawi naira ly Reita patiu nai keungchi hawi Pharisaichi i hawi naira y katlen y baly nangchi ly kani pri y pipi kun ai ny y, nanai kang thui pi nai he.

MATTHAI 6:1

“Nangchi i atiti kahawi sa nai ly khumichi ai khen hai ai nai mymychi i mei ka-niu y so y ai nai amkym u; ti y baly Ngampo kani pri mang y awm nai teng y kawn nai vang ngo u y ai.

MATTHAI 6:16

“Naibaly nangchi ly biu hai nai neng khala y py tapawp nai khumichi i kamta meimai takhui sui nai awm u moh; nichi ly khumichi i mei ka-niu y biu hai nai amny thai ai nai mymychi i meimai aneaung hai run lawh. Meitang khyp kang thui pi, nichi ly mymychi i kawn nai vang nga be veng bo.

MATTHAI 6:5

“Naibaly nangchi ly chiu sa khala y tapawp naichi i kamta sa ai nai tlo y: nichi ly khumichi my niu thai ai nai achura yhm y hawi lam kangpreira y py angdo nai tarawi y chiu sa ai nai ngai parai lawh. Meitang khyp kang thui pi, nichi ly mychi i kawn nai vang nga be veng bo.

MATTHAI 9:14

Hunai thym khala y ly Johan teng y abangnaichi ly mymy teng y chei u i, “Ati mana nai kaichi hawi Pharisaichi py biu hai i, nang teng y abangnaichi ly hai y lawh be? napi.

LUKA 11:42

“Nangchi Pharisaichi awi nangchi ly taham si! Nangchi ly seaungsyn hawi seaungken hawi amti amjang cheaungkhangchi ly horei y harei pei reng; hawi naira hawi, Tameuh i tamen naira ly dawn katlen vui veng; na i py huni na a nangchi i sa ai nai avo nai ly, takhrachi py khai su y naimy.

LUKA 17:10

Hunai kamta teng nangchi py nangchi teng y leu pei nai kamta sa u bawibawi nai bo y, ‘Achi ly miseaung vang y nai tla he; sa avo naira sa nai teu,’ na u,” napi.

ROM AVANGCHI TENG Y PAWLA I CHA PA NAI 3:27

Hunaibaly amlyh naira ly ma mang y awm mo? Huni ai ly angam mang y kho hai tawp veng bo. Mani reita my sa nai mo? Atiti sa nai reita my a? Ny y leang, ym naira reita y teu.

I KORINTH 1:29

hunaibaly Tameuh i mo y ly ami py amlyh pajau y leang.

KALATIA 1:14

naibaly kai i amsi sangumchi i leu taviu naira y kai ly khri pa-rei atho kasa keh nai deaungkho y Judachi i Reita y kai i chengchi theung y kai i tleaungri neangneangchi ai kakatlen veng bo.

EPHESI 2:9

atiti sa nai deaungkho y ny y leang, ti y baly ami my am-e lawh na.

I TIMOTHEI 4:8

Naibaly Tameuh ai dawn ryhryh ai nai apatiu reng: tlang mang y atho nga ai nai amjy teaung nai ly chawn mang ly chawn: na i py Tameuh ai dawn ryhryh nai ly vai i awm angchi nai hengra hawi, vai tym ai nai hengra molam y atiti adeu naira nga nai deaungkho y lam cheaungkhangra y chawn nai ne.

1 SAMUELA 15:13

Samuela ly Sawla awm naira y tym i, Sawla my, “Nang ai Areng my amtheaung hai sy! kai ly Areng i leu pei naichi katangai bo,” nanai thui iy lamchung bo.