LUKA 17:3 - Khumi Common Language Bible

³ Hawi hai palai adawn u: ngamjo ngamnau my atiti kamngo sa baly ni ai parip; mymy ly paleung adawn ali baly ni ai pahen.

LUKA 17:3 Iomraidhean Croise

SAM 141:5

Khumi kahawi ly kai ai pahen parai naimy pajeng nai hawi parip nai leu thui ai; na i py khumi hawi y naichi i tahm pasang nai ly kai ngai y leang; ati mana nai mo nabaly huni khumichi i kamngo sa nai molam y, kai ly avawrei chiu sa naimy awm nai deaungkho y ne.

THEU NAI 34:12

Nangchi my tiu ai nai pri i khumichi hawi, nai aso y ai nai amkyn u; nai asa lawh baly, nangchi ly nichi i deaung y man u ai.

LEU KACHENG 17:10

Tau cheng naira awm nai khumi i, thui parip nai tleirei avum nai ly khumi ka-khum i tlen chungvairei pakhau naira avum nai tleaung y, amtiura nga nai ne.

LEU KACHENG 27:5

Khumi takhra ai paleung hawi verei parip nai ly ni ai dawndan y, nanai athang khai nai tleaung y hawi keh.

LEU KACHENG 9:8

Paleung len nai khumi ai, hawi palum ai nai mana khala py atho so moh. Huna nai atho sa nai khumi ai ly niu ngai y ai. Na i py khumi kacheng ai thui parip nai khumi ai ly tahm khai ai.

Levi 19:17

“Ami ai paleung ka-e khai moh; ni molam y nang ly kamngo so y ai nai, ni hawi adyh adawi y nairachi, nihawi ka-vum sa iy alyra so.

MATTHAI 18:21

Hunai thym khala y ly Petera chei i mymy teng y, “Areng awi, kai i amjo amnau my kai i tlang tleaung y atiti hawi y nai tleng ma-jirei sa iy kaimy pahen ai nai tla mo? Tlen saryhrei a?” napi.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

EPHESI 5:15

Hunaibaly nangchi ly khumi cheng y naichi kamta awm u y naimy, khumi kachengchi kamta awm u iy, nangchi i tako nai sai amkym u;

Leu Thui Nai 4:15

“Areng ly Sinai mawi saleung y mai kangveaung dengdairei nangchi teng y leu ang pei nai khala, nangchi ly mymy i mo-cha niu u y leang.

Leu Thui Nai 4:23

Nangchi i Areng Tameuh my nangchi hawi asa nai Leu Maikawm ai ly pany jo ba. Mymy i leu phai tangai u, nangchi i vui y takhra mynchi so u moh.

Leu Thui Nai 4:9

Nangchi ly atyp u! Nangmychi kypkyp my niu nai ngiereichi ai, nangchi heng nai ryrei tami y ai nai atyp u. Nangchi i chanauchi hawi katuchi teng y py thui pi u.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

JAKOB 5:19

Kai i amjo amnauchi awi, nangchi theung y ami py leu meitang i dengdairei tamang iy, ami my mo ni ai pahawi ali hai sy;

II JOHAN 1:8

Kaichi i sa nai angchichi ly nangchi tamo y naimy, kawn nai vang kangym nga u thai ai nai hawihai atyp u.