LUKA 16:26 - Khumi Common Language Bible

²⁶ Hini ny y nai py hi i dengdairei nangchi teng y chei ai tau naichi ly chei thai y ai nai hawi, ami py tuni dengdairei kaichi teng y jeu thai y ai nai py, kaichi hawi nangchi sala y khaileaung ka-kho ka-teng ny y nai sa khyp veng,’ napi.

LUKA 16:26 Iomraidhean Croise

SAM 49:14

Nichi ly beramchi kamta dei u ai nai ne. Deira ly nichi i beram typ keung lawm ai. Nichi i tlang ly mychi i yhm hawi palo parai nai tavau pri y kra y naimy veaung tlawn nai khala, khumi kahawichi ly nichi ai pajau u ai.

SAM 50:22

“Kai ai dawndan y nai khumichi awi, hini molam y adawn pasym u; ti y lawh baly kai ly nangchi ai kang tamyh pawn ai. Nangchi ai atleu ai nai khumi leaungrei py awm ai ny y.

Ezekiela 28:24

Areng my, “Israela chengchi ai mei aniu y nai tengpang sahawi i khumichi ly no pei nai alengchi kamta lawm bi ai ny y. Kai ly sa thai naira angym nai Areng ne, nanai nichi pany u ai,” napi.

MALAKHI 3:18

Huni bo y kai i khumichi ly khumi kahawi hawi, khumi hawi y naichi i avum nai ka-dawn atawm y nai py, kai ai chiu nai khumi hawi chiu y nai khumichi i avum nai ka-dawn atawm y nai py pany u ai,” napi.

MATTHAI 25:46

Naibaly hinichi ly deungtasarei pajeng naira y chei u vui ai: khumi kahawichi naini deungtasarei hengra y chei u vui ai,” napi.

LUKA 12:59

Kang thui pi, pia sei chy py nang pe angym y ryrei ly hu i dengdairei nang pipi theu ai ny y,” napi.

LUKA 16:25

Na i py Abraham my, ‘Deang awi, nang ly tlang heng khala y ly atiti kahawi nga chy bo; hunai kamta Lazara i atiti hawi y nga nai ly dawn bei; na i py ni ly vai ly hi y paleung awmnem nai awm bo, na i py nang ly no na a tu ly.

LUKA 16:27

Naibaly ni my ly, ‘Tumbaly ngaai awi, ni ai ly ngaai i yhm y pato ai nai kang takeng he; kai hawi taku vanrei nai neampacho leaung pangrei awm.

JOHAN 3:36

Ami py Chapo ai ym nai ngierei ly deungtasarei hengra nga bo; na i py Chapo ai ym y nai ngierei ly hengra ngo y ai i, Tameuh i kado theu nai ly ni teng y awm jo,” nanai pathang.

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.

AMTENG HAI NAI 22:11

Hawi y sa nai khumi ly hawi y nai so palai sy: chai y nai khumi ly chai y nai awm palai sy: khumi kahawi ly atiti kahawi so rai sy: khumi kachai ly chai nai awm rai sy.

1 SAMUELA 25:36

Abikaila py Nabala teng y vawi bo. Nabala ly my i yhm y samrang i pawi kamta, khri pa-rei cha nei pawi pui sa nai ne. Ni ly hm-rah pavui naimy amo theu nai deaungkho y, Abikaila ly ni teng y khawn khutawi ryrei, ati sai py amti pi y leang.