LUKA 15:18 - Khumi Common Language Bible

¹⁸ Kai ly angthau iy ngaai teng y chei ai i mymy teng y, Ngaai, kani pri mang i hawi nang i mei ka-niu y py kai kamngo sa lawh; nang i chapo pathi ai nai py ataing y leang bo;

LUKA 15:18 Iomraidhean Croise

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

SAM 25:11

Aw Areng, kai i kamngochi ly nawi parai. Hunai deaungkho y nangmy i adeu nai khaw hai iy, kai i kamngochi pahen pi kyh ba.

LEU KACHENG 23:13

Deaungdi ai parip ai nai ly patyh moh. Pakhau nai ryrei y ni ly dei pajau y leang.

ISAIA 63:16

Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

JEREMIA 3:19

Areng my leu pei nai ly “Israela awi, kaimy chapo kang palawn iy amo theu ai hawi nai pri, khaileaung pri verei y apu keh nai pri kang pei ai nai ngai. Nang ly kai ai ampo palau iy mana khala py, kai ai nithun thun vui y ai nai, kai ly aly ngai.

JEREMIA 31:20

“Israela awi, nang ly kai i ngai keh nai chapo hawi, kai i tamen keh nai chapo py ne. Kai ly nang i amyn kathui nai tleirei, nang ai aawi jojo nai ne. Kai i paleung ly nang teng y apei keh nai ne i, kang pahen ai.

TANGAM NAI LEU 3:29

Athang khai naira awm py awm lym ai i, achi ly ahui naimy khaileaung y lu meung ai nai avo.

TANGAM NAI LEU 3:40

Achi ly amychi i tako nai lam dawn pasym iy, Areng teng y ali u teang sina.

DANIELA 4:26

Kani pri amtaw thau my dengkeaung miukhiu ai, khaileaung y khai su ai nai leu pei nai kamta, nang ly hini khaileaung pri ai Tameuh my peang nai ne, nanai pany vau nai khala y, nang ly samrang lawm teang bi ai.

JONA 2:4

Nang i mei ka-niu i nai kai ai patheu vui nai deaungkho y, nang i Achura yhm kachai ai, mana khala py niu ai ny y leang bo, nanai dawn.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

MATTHAI 3:6

mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

MATTHAI 6:14

Nangchi my amichi i taphra naira pahen baly, Ngampo kani pri mang y awm nai my ly nangchi ai ang pahen teang ai.

MATTHAI 6:9

Hunai deaungkho y nangchi ly hinai kamta chiu so u: Ngaai, kani pri mang y awm nai, Nangmy amyn tahm khai nai awm sy,

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

LUKA 11:2

Naibaly ni my ly mymychi teng y, “Nangchi chiu sa khala ly hina nai thui u; Ngaai, nangmy amyn tahm khai nai awm sy; nangmy i peang nai tym sy.

LUKA 15:17

“Naibaly ni ly adawn vau nai khala y, ‘Ngaai teng y ly tham naichi neangneang biu cho lei y nai awm nai iy, kai ly hi y biu kanglam y kadei ai lawh bo.

LUKA 15:19

nang teng y nangmy i tham nai khumi leaungrei kamta palawn teu ba, kanapi ai,’ napi.

LUKA 15:21

Naibaly chapo my mymy teng y, ‘Ngaai, kani pri mang i hawi, nang i mei ka-niu y kai kamngo sa lawh; nang i chapo pathi ai nai py ataing y leang bo,’ napi.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.