Naibaly samrang my Haman teng y, “Ateaung alang hawi keaungngo lo kaliki ly Juda cheng Modekai ai tahm pasang ba, nang i thui nai kamta so; ni ly samrang yhm katheu pa-khora ateh nai nang niu ai mang,” napi.
Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.
“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.
Naibaly mymy ly mymy ai heang nai keung teng y py, “Kani thun y mo, vum y mo nang pawi sa nai khala y ly, nang i ahawichi hawi, ngamjo ngamnauchi hawi, nang i misochi hawi, nang i saleaung khumi kanangchi ai ly heang u reng moh: ti y baly ang heang teang ai i, ang heung kaleih ai.
Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.
Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.
Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.
Samuela my, “Nang ly nangmy ai ati sai py ny y nai khumi, nanai apalawn i py, nang ly Israela chengchi ai lu sa nai keung lawm bo. Areng ly nang ai Israela chengchi i samrang lawm ai nai asitui ang lei pi bo.