LUKA 12:4 - Khumi Common Language Bible

⁴ “Naibaly ahawichi awi, kang thui pi, Tlang y padei iy, huni bo y ati takhra so bi thai y naichi ai ly jei u moh;

LUKA 12:4 Iomraidhean Croise

LEU KACHENG 29:25

Amy i tlang tleaung y khumi takhrachi my ati mana dawn na mo, nanai paleung mawn nai khumi ly ka-jeira avum ai. Na i py Areng teng y abyh nai khumi ly chymme ai.

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

ISAIA 41:8

“Na i py kai i miseaung Israela chengchi awi, kaimy vawi takhra nai nangchi ly kai i ahawi Abraham i katu chanauchi ne.

JEREMIA 1:17

Nang ly vam parai naimy chei iy, huni khumichi teng y kai i thui pi nai ngiereichi thui pi. Nichi ai jei moh; nang ly nichi ai jei lawh teu baly, kai ly nang ai nichi i mo y jei hai ra ai.

JEREMIA 1:8

Kai ly nang hawi vanrei awm iy, nang ai asa hai ai. Hunai deaungkho y nang ly nichi ai jei moh; hini ly kai, Areng i thui nai leu ne! " nanai kai teng y leu ang pei bo.

Ezekiela 2:6

“Na i py nang, khumi cho awi, nang ly nichi ai py, nichi i thui nai leu ai py jei moh, kaso py theu moh. Nichi ly nang ai aleng keungchi kamta ang katanmeuh ai. Nang ly kani taai reaung y awm nai kamta lawm ai. Nichi ly huna nai atiu reng nai khumichi ne nai deaungkho y ne.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

JOHAN 15:13

Khumi ly ahawichi i vui y amy i hengra pei nai bo y tamen naira len keh nai ly ami py by y leang.

AMTAW 20:24

Na i py kai i angpreng acham ai nai lam motawn angym ai nai hawi, Tameuh i pahenra Satang Kahawi pany hai ai nai, kai Areng Isu teng i krykeung kalop nga nai sa be ai nai ly kai i hengra tama ai nai kamawn y leang.

AMTAW 4:13

Naibaly Petera nini Johan i vam nai sai ly nichi my niu i, cha neangneang kawp y nai khumi hawi, neangneang pany y nai khumi ne, nanai pany kha y ly khri pa-rei lyh parai i, nini ly Isu teng y awm bo, nanai pany bo.

PHILIPI 1:28

huni ly mymychi i vui tama ai naira ne, nanai hawi, nangchi i vui naini heng ai naira ne, nanai py pany hai naira chai pyn nai ne lawh veng, huni py Tameuh teng i nai ne.

JAKOB 2:23

naibaly Abraham ly Tameuh ai ym i, huni ym naira my ly hawi naira y palawn, nanai Tameuh i leu tym bo; naibaly mymy ai Tameuh i ahawi pathi bo.

I PETERA 3:14

Na i py nangchi ly hawi naira deaungkho y patang u baly, nangchi ly taham hawi; naibaly nichi i pajei naira ai ly jei u moh ly, paleung py bi u moh:

AMTENG HAI NAI 2:10

Nang i tlang tleaung y vai tym ai nai patang naira takhra takhra jei moh: khen cham, nangchi ai ang parawi thai ai nai diabola my ly nangchi theung y phyreichi ai theaung y tla hai ai bo; naibaly nangchi ly kani horei sala y patang py patang ai. Na i py dei pa-rei ka-ym awm ba, hunaibaly heng naira areng lukhym kang pei ai mang.