LUKA 12:20 - Khumi Common Language Bible

²⁰ Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

LUKA 12:20 Iomraidhean Croise

JEREMIA 17:11

Teng y nai lam hawi paisa tangka ko nai khumi ly amy kadui y nai kaduichi ai oh nai tavo hawi atawm. Ni ly hawithym hawisai khala my, yhmtheaung katuichi phra iy, kangkhym y ly khumi ka-khum lawm lawh nai ne.

JOBA 27:8

Tameuh by y nai khumichi i hengra ai, Tameuh my la pi veng nai neng khala, nichi i vui ati athang khai naira awm ai mo?

I TIMOTHEI 6:7

ati mana nai mo nabaly achi ly khaileaung pri y ati sai py kun hai y leang, achi ly ati sai py theu py theu hai pajau y leang;

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

JAKOB 4:14

Nangchi i heng naira ly ati mo? Kra y nai sala y amteng iy tama ali ryp veng nai tamai kamta atawm.

I THESALONIKA 5:3

Khumichi ly, “Awm nem naira hawi chymme naira awm bo,” na naichi i thui nai thym khyp khala y ly, neampachy i chanau tapen ai nai no nai kamta ly tlenrei khyh my tama ai naira ly nichi i tlang tleaung y tym ai i, tleaung ai naira pipi ngo y ai.

LUKA 11:40

Vang y naichi awi, salo mang sa nai keung my ly theung mang y so y a?

SAM 73:19

Nichi ly vaimy myh kang u ryp bo; nichi i kangkhym kangtem avum nai sai ly jei ai nai hawi parai nai ne.

NAHUM 1:10

Nang ly kabeng aleng, acha kajei kamta, pavui nai khumi ai ly mai my kang vui ai!

LEU KACHENG 28:8

Tangka katy khri pa-rei cha iy, khumichi i tlang tleaung y kho sa naimy nang nai khumi i yhmtheaung katuichi ly khumi kamawnchi ai pahen pi reng nai khumi i kiu y tym vui ai.

LEU KACHENG 11:4

Dei naira avum nai kani y yhmtheaung katui my ly nang ai aso hai y leang; na i py neaung hawi naira my ly nang i tlang ai atleu pajau.

SAM 78:30

Na i py nichi ly paleung anyp pajau y;

ESTHER 5:11

Naibaly Haman ly mymy i nang nai saichi, chapo neangneang awm naichi, samrang my ni ai kalop kalenra y tahm pasang naichi hawi samrang yhm i takhra miteaung kehchi tleaung y malawn py, aly lenkeh naira abawi naichi amlyh nai ne.

SAM 49:10

Khumi kachengchi py, akhum iy katau by y naichi py, dei nai lam y en vui pajau y, nanai ami mi py pany pajau nai ne. Nichi bawibawi ly mychi i yhmtheaung katuichi ai katu chanauchi i vui khai pi ai tla nai ne.

LEU KACHENG 10:2

Li-tapawp iy nga nai yhmtheaung katuichi ly nang i vui kamran by y. Na i py neaung hawi naira my ly nang i hengra atleu pajau.

LEU KACHENG 13:7

Phyrei khumichi ly ati sai py ny y pui naimy, khumi kanang amlawn u reng; na i py phyrei khumichi ly khri pa-rei nang teu i py, khumi kamawn amlawn u reng nai ne.

LEU KACHENG 27:1

Khawndam i vui mana khala py amlyh reng moh. Vaini hawi khawndam sala y mati na mo, nanai nang pany pajau y leang.

ISAIA 56:12

Hini nei cha ala naichi my, ‘Jeu u, achi ly kreip hang la iy nei u tleaungleaung sina. Khawndam ly vaini tleaung y hawi keh ai,’ nanai pavui tapai naichi ly thui u nai ne.

AMOS 6:13

Nangchi my Lodebarmary ai peang vui nai molam y, amlyh ai nai ngai u lawh. Nangchi ly atyhtyh naimy amlyh ai nai ngai u lawh. “Kaimychi atho hawi Karnaimmary ai peang vui nai ne,” nanai py thui u.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.