LUKA 11:41 - Khumi Common Language Bible

⁴¹ Na i py theung y atiti awm nai ly khumi ngarichi teng y pei ai nai vui teaung u; hunaibaly khen cham, nangchi i vui ati cheaungkhang chai nai bo.

LUKA 11:41 Iomraidhean Croise

SAM 112:9

Ni ly khumi kamawnchi ai paleung hawi parai naimy sabawm reng; ni ly pahen jojo reng nai keung ne; ni ly sa thai naira awm iy tahm khai nai avum ai.

SAM 41:1

Khumi kamawnchi i vui y paleung mawn hai nai khumi ly taham hawi; huni khumi patang naira avum nai khala y, Areng my sabawm ai.

LEU KACHENG 14:31

Khumi kamawnchi ai ana nai khumi ly nichi ai sa nai keung Tameuh ai mei aniu y nai ne; na i py khumi kamawnchi ai pahen reng nai khumi ly Tameuh ai chiu nai ne.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 19:17

Khumi kamawnchi ai sabawm nai khumi ly Areng teng y piu paseng nai khumi ne i, Areng my ni ai heung pi ali teang ai.

DANIELA 4:27

Hunaibaly samrang awi, kai i tau pei nai tangai ba. Kamngo so bi moh ly kahawi so ba. Khumi kamawnchi ai pahen ba. Huna nai sa baly nang ly yhmtheaung katui peung ai,” napi.

MATTHAI 26:11

Khumi kamawnchi ly nangchi teng y awm jo chy bo, kai naini nangchi teng y kang awm jojo ai nai ny y leang.

MATTHAI 5:42

Ang hnei nai keung teng y pei ly; nang teng y atiti alai ai nai ngai nai khumi ai ly hi pi vui moh.

MARKA 7:19

Ati py angam mang i dengdairei khumi i taku theung y kun nai ngierei ly ni i paleung theung y kun y i, ni i kajeu theung y kun iy, ei thau naira y theu veng nai deaungkho y ni ai ly chai hai thai y ai nai pajau y, nanai ly pany u y nai sai a?” napi. (Huni ly cha ai nai amjy cheaungkhang ly cha ngau, nanai sai ne.)

LUKA 12:33

Nangchi i awm nai ngierei jo u ly, khumi ngarichi teng y pei u; kani pri mang y kangviuchi tym y naira y, thaikem my cho y naira y, tangka yh tangym thai y nai hawi, yhmtheaung tamo pajau y nai py so u.

LUKA 16:9

“Kang thui pi, yhmtheaung hawi y nai teaung iy ahawichi ai adawi u; yhmtheaung tama nai khala y ly deaungtasarei awm naira y ang kawn hai ai.

LUKA 18:22

Naibaly Isu my huna nai ly pany i ni teng y, “Nang ly lamrei takhawi rai; nang i awm nai ngierei jo ly, kamawnchi teng y paji, hunaibaly nang kani pri y yhmtheaung nga ai; naibaly jeu ly, kai tng y abang,” napi.

LUKA 19:8

Naibaly Zakai ly angdo i Areng teng y, “Khen cham Areng, kai i yhmtheaung ka-hyhrei kamawnchi teng y kapei ai; naibaly ami teng i py atiti um paviu teu i py pyh palyhrei kaheung teang ai,” napi.

AMTAW 10:15

Naibaly raawi ly tlen nyhrei nai kha y ly, “Tameuh my pachai chum nai bo y ly nang ly chai y ti moh,” napi.

AMTAW 11:29

Hunaibaly abangnaichi leaung leaungrei ly mymy i kamjau ryrei Judai pri y awm nai amjo amnauchi teng y sabawm nai pa ai nai tau;

AMTAW 24:17

“Naibaly saneng kra parai nai bo y ly kai i chengchi teng y atiti pei ai naichi hawi, talam ai naichi syn iy kang tym:

II KORINTH 8:12

Tau rym naira awm baly ami py by y pui nai ny y naimy, mymy i awm nai kamta kawn ai ataing nai ne.

EPHESI 4:28

Paviu nai khumi ly paviu bi moh jau sy; huna nai ny y naimy avaw nai khumi teng y atiti pei ai nai awm thai ai nai, mymy i kiu y atiti kahawi akawm pa-rei so sy.

TITA 1:15

Khumi kachai i vui ly ati cheaungkhang chai jo; na i py chai y nai hawi ym y naichi i vui ly ati ra y py chai naira awm vai y leang; nichi i dawn naira py, hawi nai hawi y nai pany naira py chai y bo.

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

HEBRAI 6:10

Nangchi i atiti sa nai hawi mymy i amyn deaungkho y nangchi i tamen naira amteng hai nai, khumi kachaichi ai sabawm nai, ne, vai khrairei sabawm jojo nai ly ang tami pi vui ai nai, Tameuh ly hawi y nai keung ny y leang.

JAKOB 1:27

Achi i Tameuh hawi Ampo i mei ka-niu y reita kachai hawi kamngo abawi y nai ly hini he: nurochi hawi neampachy lumaichi ngari patang khala y ly de ai nai hawi, khaileaung pri y kamngo akau y pa-rei akry ai nai py ne.