LUKA 11:2 - Khumi Common Language Bible

² Naibaly ni my ly mymychi teng y, “Nangchi chiu sa khala ly hina nai thui u; Ngaai, nangmy amyn tahm khai nai awm sy; nangmy i peang nai tym sy.

LUKA 11:2 Iomraidhean Croise

1 ARENG KEH 8:43

nichi i hnei takeng nai ly tangai pi kyh ba. Nangmy i awm nai kani pri mang dengdairei tangai pi iy, ni i hnei nai kamta pathang pi kyh ba. Huna i naini, khaileaung pri y awm nai khumi bawibawichi ly nang i khumichi kamta, nang ai pany u iy jei kaji naimy tahm khai u ai. Hunaibaly nang i vui kaimy kang sa pi nai hini Achura Yhm ly chiu sa nai meingtym ne, nanai nichi pany u ai.

2 ARENG KEH 19:19

Kaichi i Areng Tameuh awi, vai ly nang leaungrei naini Areng Tameuh ne, nanai khaileaung pri verei i khumi cheng cheaungkhangchi my pany u ai nai, vaimy kaichi ai Asuria chengchi kiu i nai atleu pi kyh ba,” nanai chiu sa bo.

2 NENG SATANG 20:6

Naibaly aeu naimy chiu sa nai ly “Aw kaichi amsi pajochi i Areng Tameuh, nang ly kani pri mang y awm iy khaileaung pri y awm nai khumi cheng cheaungkhangchi ai peang nai ne. Nang ly sa thai naira hawi nang parai naira kawi angym nai deaungkho y, ami py nang ai ka-awi so pajau y.

SAM 103:20

Sa thai naira haiho len parai iy, mymy i leu pei naichi sa patawm nai, mymy i leu tangai nai kani pri amtaw thauchi awi, Areng ai palo u!

SAM 108:5

Aw Tameuh, nang i tahm len parai nai sai ly kani khusang mang py, nang i nang parai nai sai ly khaileaung pri verei y py, patei pi ba.

SAM 11:4

Areng ly Achura yhm kachai theung y awm; mymy i areng atehra ly kani pri mang y awm. Mymy ly khumi bawibawichi ai khen patawm iy, nichi i sa nai leaungsaichi pany pi.

SAM 57:11

Aw Tameuh, nang i tahm asang nai sai ai kani mang y py, nang i nang parai nai ai khaileaung pri verei y py, amthang hai kyh ba.

Parip nai leu 5:2

Nang ly leu katheu y rai khala adawn pasym ba; Tameuh teng y leu adeu tamangtang moh. Mymy ly kani pri mang y awm i, nang ly khaileaung pri y awm. Hunai deaungkho y nang ly mymy teng y avo nai ryrei bo baly hnei panawi bi moh.

ISAIA 63:16

Nang ly kaichi i ampo ne. Kaichi i amsi pajo Abraham hawi Jakob nini malawn py, kaichi ai bawi lo pi pajau y. Na i py Areng nang ly kaichi i ampo ne. Kaichi ai jangni khala i ka-so atleu pi jojo nai keung ly nang ne.

Ezekiela 36:23

Khumichi i mo y nangchi my tahm khai y nai, kai i nang parai nai amyn kachai ly mana tanrei chai mo, nanai khumi cheng cheaungkhangchi teng y kapatei ai. Nichi i mo y kai ly kachai ne, nanai nangchi ai teaung iy pany hai ai. Huna nai khala kai ly Areng ne, nanai nichi pany u ai. Hini ly sa thai naira angym nai kai, Areng i pei nai leu ne.

DANIELA 2:28

Na i py thiu parai nai saichi ai pany hai nai Tameuh ly kani pri mang y awm. Huni Tameuh ly mo mang i neng y mana tym ai mo, nanai samrang nang pany ai nai pei bo. Samrang nang i nai thym khala y, niu nai amang ly vai, kaimy thui pi ai.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 7:18

Na i py tahm asang parai nai Tameuh i khumichi ly samrang i sa thai naira haiho nga u iy, deungtasarei peang u jojo ai,” napi.

DANIELA 7:27

Tahm asang parai nai Tameuh i khumichi ly khaileaung pri y awm nai pri bawibawichi i, sa thai naira hawi phum-ang nga u ai. Nichi i sa thai naira ly mana khala py, tama vui ai ny y. Khaileaung pri i samrang bawibawichi py, nichi i miseaung y awm ai i, nichi i leu tangai u ai,” nanai thui pachai pi bo.

HOSEA 14:2

Areng teng y vawi u ali teang iy, mymy teng y hina nai chiu so takeng u. “Kaichi i kamngochi pahen pi iy, pahen nai saho y kaichi ai kawn pi kyh ba. Kaimychi adeu nai kamta, nang i nang parai nai sai ai palo ai.

Levi 10:3

Huna nai khala Mosi my Aron teng y, “Areng my leu pei nai ly ‘Kai i kalop sa nai khumi bawibawichi ly kai i chai nai sai ai tahm khai u ai nai tla. Kai ly kaimy i khumichi teng y kai i nang parai nai sai amteng hai ai,’ nanai thui nai ly hina nai molam y leu ang pei nai ne,” napi. Na i py Aron ly ati sai py katheu y naimy awm bo.

Levi 22:23

Dawipeu nai tawnbawi, ti y baly mo-cha amny amcha y nai tawnbawichi ai amy i paleung kangai talam pajau lawh teu i py, vaineng ka-deu hawi talam nai kapathypra ly talam ai nai avo y.

HABAKKUK 2:14

Panglichi ly tui my kawi nai kamta, khaileaung py Areng i nang parai nai ai pany nai hawi kawi naimy awm ai.

MATTHAI 10:32

Hunaibaly amichi i mo y kai ai apha y nai ngierei ai ly kani pri mang i Ngaai i mo y kaimy apha hai y teang ai.

MATTHAI 3:2

“Uikhei u, kani pri my peang nai ly kasa bo,” napi.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

LUKA 11:1

Naibaly hina nai awm, mymy ly mani meingtym y mo chiu sa i, chiu sa pajau kha y abangnaichi theung y leaungrei my ni teng y, “Areng, Johan i mymy teng y abangnaichi ai chiu sa nai reita patiu nai kamta, kaichi ai py patiu teang kyh,” napi.

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 8:15

Nangchi ly jei nai awm bi ai nai miseaung lawn ai nai phailo nga u bi nai ny y leang; na i py chanau lawn ai nai phailo nga u nai teu; achi ly huni deaungkho y Abba, Ngaai, nanai aeu reng.

I KORINTH 1:3

Tameuh achi i Ampo hawi Areng Isu Krista teng i dengdairei pahenra hawi awmnem naira py nangchi teng y awm sy.

II KORINTH 1:2

Tameuh achi i Ampo hawi Areng Isu Krista teng i dengdairei pahenra hawi awmnem naira py nangchi teng y awm sy.

KALATIA 1:4

mymy ly achi i Tameuh hawi Ampo i kangai y vai dymkhawn i khaileaung pri kamngo parai naira theung i nai achi ai alaw hai thai ai nai, achi i kamngochi i jeng y mymy ly apei bo;

EPHESI 1:2

Tameuh achi Ampo hawi Areng Isu Krista i dengdairei pahenra hawi awmnem naira ly nangchi teng y awm sy.

PHILIPI 1:2

Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

PHILIPI 4:20

Naibaly achi i Tameuh hawi Ampo teng y ly deungtasa khrairei nang parai naira awm sy. Amen.

KOLOSA 1:2

Timothei achi i amjo amnau py, Kolosa avang i Krista y khumi kachaichi hawi, amjo amnau ka-ym awm naichi teng y ly: Tameuh achi i ampo teng i dengdairei pahenra hawi awmnem naira ly nangchi teng y awm sy.

I THESALONIKA 1:1

Pawla nini Silvana hawi Timothei ly, Ampo Tameuh hawi Areng Isu Krista y awm nai Thesalonika avang i palau takhra kamkawm teng y ly: Pahenra hawi awmnem naira ly nangchi teng y awm sy.

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

II THESALONIKA 2:16

Hunaibaly achi i Areng Isu Krista kypkyp hawi, Tameuh achi i Ampo, achi ai ang tamen nai keung py pahenra deaungkho y deungtasarei awmnem naira hawi athang khai naira kakhaw ang pei nai keung my ly,

AMTENG HAI NAI 11:15

Naibaly kani pri i amtaw thau nai saryh i nai ly eng i, “Khaileaung pri y peang naira ly achi i Tameuh hawi mymy i Krista i peang naira lawn bo; mymy ly deungtasarei peang jojo ai,” nanai kani mang y ly raawi pajeng parai naichi theu tamangtang bo.

AMTENG HAI NAI 15:4

Aw Areng, nang i amyn tahm khai y nai hawi palo y nai py ami awm ai mo? Nang leaungrei chai khyh; Nang i atiti kahawi sa naichi ly amteng hai nai deaungkho y, Cheng bawibawichi ly na i mo y tym iy ang chiu u ai,” nanai napi.

AMTENG HAI NAI 19:6

Naibaly khumi mipui neangneangchi i raawi kamta hawi, tui kamsau katyn kamta hawi, khri pa-rei kani pajyh nai katyn kamta py, “Haleluja! Achi i Areng Tameuh, Atiti py Sa Thai Nai Keung ly peang bo.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.