LUKA 11:13 - Khumi Common Language Bible

¹³ Hunaibaly nangchi khumi kamngo malawn py chanauchi teng y atiti kahawi pei ai nai sai pany baly, kani pri mang i Ngampo ly hnei nai keungchi teng y ly Phailo Kachai mana tanrei ang pei ai mo?” napi.

LUKA 11:13 Iomraidhean Croise

ATITI AWM ANGCHEI NAI 8:21

Apathyp nai mui katui ai Areng ly kawn i, Nova teng y, “Khumichi atiti sa nai deaungkho y khaileaung ai kapasawi bi y leang bo; khumi i paleung dawn naichi ly deaungdichy khala i ka-so hawi y jojo nai kapany; vai i kamta heng nai cheaungkhangchi ai katamyh bi y leang bo.

SAM 51:5

Kai ly tapen khyp khala i dengdairei hawi y nai ne; amhm taku theung y deaungdi aneng khyp khala i my, kamngo awm bo.

LEU KACHENG 1:23

Kaimy nangchi ai kang parip nai khala, tangai u; kai ly nangchi ai tau kahawi kang pei iy, kai i cheng naira py kang paji pi ai.

ISAIA 49:15

Hunai deaungkho y Areng my, “Amhm ly mymy paleung tleaung i chanau ai tami vui thai na a? My i kajeu y aneng nai deaungdicho ai, tamen y nai awm thai na a? Amhm ly mymy i deaungdicho ai tami vui lawh teu rai sy; kai ly nangchi ai mana khala py, tami vui ai ny y.

Ezekiela 36:27

Kai i phailo nangchi teng y kang pakun pi iy, nangchi ai kai i reita leaungsaichi patawm hai ai. Kai i leu pei naichi py tangai hai ai.

JOELA 2:28

“Naibaly kai ly kaimy i Phailo ai, khumi bawibawichi tlang tleaung y leih pi ai. Nang i cho chanauchi ly kai i leu pei nai ahei hai ai. Saneng len nai khumichi ly amangchi amang u ai i, thawndeang deaungdichi ly paleung mei y niu u ai.

MATTHAI 5:16

Nangchi i kangvang ly khumichi i mei ka-niu y angvang sy, hunaibaly nangchi i atiti kahawi sa naichi ly nichi niu ai i, nichi ly Ngampo kani pri mang y awm nai ai palo thai ai.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

MATTHAI 6:14

Nangchi my amichi i taphra naira pahen baly, Ngampo kani pri mang y awm nai my ly nangchi ai ang pahen teang ai.

MATTHAI 6:30

Hunaibaly nangchi ym nai di naichi awi, acha kangheng, vaini angti heng iy khawn mang y ly mai y teih ryp nai ai malawn py Tameuh my huna tanrei pateaung baly, hunichi tleaung y ly nangchi ai ateaung mana tanrei ang pei ai mo?

MATTHAI 6:32

nanai paleung bi u moh. Cheng Takhrachi ly hunichi bawibawi hau nai ne. Hunichi bawibawi ly nangchi aly aeang, nanai Ngampo kani pri mang y awm nai my ly ang pany pi yb nai bo.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

LUKA 11:12

Ti y baly akadui hnei khyly kani taai pei lawh na a?

LUKA 11:2

Naibaly ni my ly mymychi teng y, “Nangchi chiu sa khala ly hina nai thui u; Ngaai, nangmy amyn tahm khai nai awm sy; nangmy i peang nai tym sy.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

AMTAW 2:38

Naibaly Petera ly nichi teng y, “Uikhei u ly, nangchi i kamngo pahen ai nai Isu Krista i amyn y baptisma ngo u bawibawi, hunaibaly Phailo kachai pei nai ly nangchi py ngai ai.

ROM AVANGCHI TENG Y PAWLA I CHA PA NAI 5:17

Khumi leaungrei kamngo nai deaungkho y dei naira my leaungrei deaungkho y peang makho baly, khrikhri pa-rei pahenra hawi, jawm pei nai hawi naira nga nai keungchi ly khumi leaungrei (Isu Krista) deaungkho y heng naira y peang takengkei ai.

ROM AVANGCHI TENG Y PAWLA I CHA PA NAI 7:18

Kai theung y (huni ly kai i tlang y ly, nanai sai ne), atiti kahawi ha py by y, nanai kapany; ngai naira ly kai theung y awm teu i py, atiti kahawi sa nai ly by y leang.

ROM AVANGCHI TENG Y PAWLA I CHA PA NAI 8:32

Mymy i Chapo kypkyp ai malawn py khai y nai, achi bawibawi i jeng y ang pei nai keung ly, mymy hawi atiti bawibawi jawm naimy ang pei teang y ai a?

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.