LUKA 10:42 - Khumi Common Language Bible

⁴² Mari i kahawi vawi nai ly la pi ai nai tlo y leang,” nanai pathang.

LUKA 10:42 Iomraidhean Croise

SAM 119:111

Nang i reita leuchi ly kai i vui deungtasarei ne i, kai ai amo theu hai nai ne.

SAM 119:173

Kai ly leu pei naichi ai kry nai deaungkho y, kai ai sabawm ai nai angveirym jo kyh ba.

SAM 119:30

Kai ly nang i leu tangai ai nai dawn yb bo; nang i sa pi nai reitachi ai py tangai patyp bo.

SAM 142:5

Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

SAM 17:15

Kai ly kamngo so y nai deaungkho y nang ai niu ai; kai ly ira i nai ang thau nai khala, nang ly kai hawi vanrei awm nai deaungkho y, amo theu naira nga ai.

SAM 27:4

Areng teng y hnei ai ngai nai, kai i kadeaung nai langseaung harei awm; huni langseaung ly Areng i yhm y deungtasarei awm ai nai, kawn nai leu thui naimy palo ai nai hawi, mymy i patei pi nai lam nga ai nai py ngai nai ne.

SAM 73:25

Kai i vui ly nang ny y baly kani pri mang y ami awm ai mo? Nang ly kai hawi vanrei awm baly, khaileaung pri y ati aly ngai rai mo?

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

MARKA 8:36

Ami py hini khaileaung pri bomrei nga iy amy i hengra tamo lawh sy, mymy i vui ati amran ai mo?

LUKA 10:39

Ni ly amnau neampachy leaungrei awm, amyn ly Mari: huni my ly Areng i kheu keung y ateh iy, ni i leu tangai.

LUKA 11:1

Naibaly hina nai awm, mymy ly mani meingtym y mo chiu sa i, chiu sa pajau kha y abangnaichi theung y leaungrei my ni teng y, “Areng, Johan i mymy teng y abangnaichi ai chiu sa nai reita patiu nai kamta, kaichi ai py patiu teang kyh,” napi.

LUKA 12:20

Na i py Tameuh my ni teng y, ‘Kamthu awi, vai dym ly nang i hengra kang la pi ai bo; naibaly nang i yhmtheaung pateung achu nai ly ami nga ai mo?’ napi.

LUKA 12:33

Nangchi i awm nai ngierei jo u ly, khumi ngarichi teng y pei u; kani pri mang y kangviuchi tym y naira y, thaikem my cho y naira y, tangka yh tangym thai y nai hawi, yhmtheaung tamo pajau y nai py so u.

LUKA 16:2

Hunaibaly ni my ly mymy ai palau i mymy teng y, ‘Kai nang i satang thai nai ly mana lawh mo? Nang i yhmtheaung kry nai sai bawibawi pasym pi, nang ly vai dengdairei yhmtheaung kry nai keung y awm thai y leang bo,’ napi.

LUKA 16:25

Na i py Abraham my, ‘Deang awi, nang ly tlang heng khala y ly atiti kahawi nga chy bo; hunai kamta Lazara i atiti hawi y nga nai ly dawn bei; na i py ni ly vai ly hi y paleung awmnem nai awm bo, na i py nang ly no na a tu ly.

LUKA 18:22

Naibaly Isu my huna nai ly pany i ni teng y, “Nang ly lamrei takhawi rai; nang i awm nai ngierei jo ly, kamawnchi teng y paji, hunaibaly nang kani pri y yhmtheaung nga ai; naibaly jeu ly, kai tng y abang,” napi.

LUKA 8:18

Hunaibaly nangchi i thai nai sai ly mana awm mo, nanai amkym u me ba; ami py atiti awm nai ngierei teng y ly ang pei panawi bi ai; ami py atiti by y nai ngierei teng i nai ly mymy i awm yb nai angchi, nanai athang khai nai raurei py la pi ra ai,” napi.

JOHAN 11:1

Naibaly khumi leaungrei Lazara napi nai ly no bo; mymy ly Mari hawi ni i amjo Martha i awm nai avang Bethani khumi ne.

JOHAN 11:19

Hunaibaly mymy i ampro dei nai deaungkho y nini ai awm hai nem ai nai, Judachi neangneang ly Mari nini Martha teng y tym bo.

JOHAN 12:3

Hunaibaly Mari ly spiknard rimui vang tang parai nai sie ka-hyhrei syn iy, Isu i kheu y paju i mymy i sam hawi ni i kheu y tamui pi; hunaibaly huni rimui kamui ly yhm kawi na.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 4:14

ami py kai i pei ai nai tui nei nai ngierei ly tlen py tui ahai y ai; kai i ni teng y pei ai nai tui ly my i taku theung y tuino awm ai i, deungtasarei hengra tym pa-rei achawn ai,” nanai pathang.

JOHAN 5:24

“Meitang khypkhyp kang thui pi, ami py kai i leu thai iy, kai ai pato nai keung ai ym nai ngierei ly deungtasarei hengra nga bo, sum py sum y ai, na i py dei naira i nai theu iy heng naira y kun bo.

JOHAN 6:27

Phra nai biu nga ai nai ny y naimy, deungrasarei hengra tym pa-rei awm jo ai nai biu, Khumi i Chapo my ang pei ai nai phai tau u tanga; Ampo, Tameuh my ni ai pajawp hai typ bo.

I KORINTH 13:3

Naibaly khumi kamawnchi ai pacho ai nai kai i yhmtheaung bawibawi pei iy, kai i tlang ai py kang ai nai ka-pei iy py, kai ly tamen naira by y pui baly kai i vui ati sai py kamran by y leang.

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

Leu Thui Nai 30:19

Vai kai ly nangchi ai heng naira mo, ti y baly dei naira, Tameuh teng i amtheaung naira mo, ti y baly taham si naira, huni theung i ha harei vawi takhra ai nai kang pei. Nangchi vawi takhra nai ly kani hawi khaileaung my pany sy, hengra phai vawi takhra u.

JOSUA 24:15

Leu kabeaung y nangchi ly Areng ai chiu y lawh baly, Mesopotamia pri y nangchi i amsi pajochi my chiu nai tameuhchi mo, ti y baly vai, nangchi awm nai Amori chengchi my chiu nai tameuhchi ai mo, chiu ai nai vaini my vawi takhra u. Kai hawi kai i yhm dengtheungchi ne teu khyly Areng ai naini chiu ai khyh,” nanai thui pi bo.

JOSUA 24:22

Josua my nichi teng y, “Nangchi ly Areng ai naini chiu u ai, nanai thui u nai ly nangmychi naimy pany hai nai keung lawm u bo,” napi. Huna nai khala nichi my, “Kaichi ly kaimychi naimy pany hai nai keungchi ne khypkhyp bo,” napi u.