LUKA 10:27 - Khumi Common Language Bible

²⁷ Naibaly ni my ly, “Nang i Areng Tameuh ai ly nang i paleung verei hawi, nang i phailo verei hawi, nang i atho bawibawi hawi, nang i dawn nai bawibawi hawi nang tamen ai nai tla; nangmy ai atamen nai kamta nangmy i saleaungchi ai py tamen ai nai tla, nanai he,” nanai pathang.

LUKA 10:27 Iomraidhean Croise

Levi 19:18

Ami ai vawitheung tha moh, paleung ka-e khai moh. Nangmy ai atamen nai kamta saleaung deaungpa ai py tamen ai nai tla. Kai ly Areng ne.

MATTHAI 19:19

Paviu ai nai tlo y, Seu rumrang ai nai tlo y, Ngamhm ngampo ai tahm khai; naibaly, Nangmy ai atmen nai kamta nang i saleaungchi ai tamen ai nai tla,” napi.

LUKA 10:26

Naibaly mymy ly ni teng y, “Reita y mana tajiu mo? Nang ly mana mana phain mo?” napi.

ROM AVANGCHI TENG Y PAWLA I CHA PA NAI 13:9

Hini leu sai ly, “Pajang so moh, Khumi ai padei moh, Paviu moh, Paleung no moh,” na naichi hawi, leu pei nai takhra py awm sy, “Nangmy ai atamen nai kamta nang i saleaungchi ai tamen ai nai tla,” napi nai ly akup be veng bo.

KALATIA 5:13

Amjo amnauchi awi, nangchi ai ly miseaung ny y ai nai ang palau u nai ne; na i py nangchi i miseaung ny y naira ly tlang i vui ka-vo teaung u reng moh ly, tamen naira y phai asabawm u leungtang.

Leu Thui Nai 10:12

“Aw Israela chengchi awi, nangchi i Areng Tameuh i kangaichi tangai u: Areng ai chiu u ly mymy i leu pei nai bawibawichi phai tangai u. Areng ai paleung hawi verei tamen iy mymy i kalop so u;

Leu Thui Nai 30:6

Mymy ly nangchi hawi nangchi i kangpreangchi teng y leu tangai ai ngai nai paleung pei pi ai. Nangchi ly nangmychi i Areng Tameuh ai paleung hawi verei tamen iy, huni pri y awm amtawn jo thai ai nai,

Leu Thui Nai 6:4

“Aw Israela chengchi awi! Areng naini achi i Areng Tameuh ne, nanai tami u moh.

Leu Thui Nai 6:5

Nangchi i Areng Tameuh ai ly nangchi i paleung verei hawi, nangchi i phailo verei hawi, nangchi i atho bawibawi hawi tamen ai nai tla.

HEBRAI 8:10

Ati mana nai mo nabaly huni neng bo y ly Kai ly Israelachi dengtheung teng y leu maikawm khai nai ly hini ne he, nanai Areng my napi: Mymychi dawn naira y kai i leu pei naichi kapachei iy Nichi i paleung y py katajiu teang ai; Naibaly kai ly nichi i vui y Tameuh kalawn ai i, Nichi ly kaimy i vui y kai i khumichi lawn ai;

JAKOB 2:8

Na i py Tameuh i cha-iu leu, “Nangmy ai atamen na kamta, saleaungchi ai tamen ai nai tla,” nanai len keh nai reita patawm u baly, nangchi i sa nai hawi mang:

I JOHAN 3:18

Bechi awi, labeaung palai y khyh ny y naimy, atiti sa naira y hawi meitang khyp naira y py tamen u sina.