LUKA 1:79 - Khumi Common Language Bible

⁷⁹ Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 1:79 Iomraidhean Croise

JOBA 10:22

vengpang nai pri y kachei ai bo. Mana khala py vawi ali teang ai ny y leang bo.

JOBA 3:5

Huni ly vengpam na sy. Khupanymchi ly huni neng kani ai khiu sy; huni neng kani ai kani si hai moh sy.

SAM 107:10

Phyrei khumichi ly kaveng my khiu nai theung y awm u i, sengkry hawi pakheng nai y, patang naira avum u bo.

SAM 107:14

Mymy ly nichi ai kaveng my khiu nai theung i patheu iy, nichi ai pakheng nai sengkrychi leu hai pawn bo.

SAM 23:4

Aw Areng, kai ly khri pa-rei veng nai leaunghawira y tako prei lawh teu i py, jei y ai; ati mana nai mo nabaly nang ly kai hawi vanrei awm nai deaungkho y ne. Nang i thengbeang hawi cheaungvawi ly kai ai awm hai nem ai.

SAM 25:12

Areng ai jei kaji naimy tahm khai nai khumichi ly mychi tako ai nai lam Tameuh teng i dengdairei amtiu u ai.

SAM 44:19

Na i py nang ly kaichi ai daichi mawi kasichi awm nai meingtym y kajeaung kamang khai su bo. Veng keh nai meingtym y aphi su iy, khai nai ne.

LEU KACHENG 3:17

Cheng naira ly nang i heng nai deung y tlamsa hai pajau; nang i heng nai jeungrei py, nang ai chymme naimy pahawi ai.

LEU KACHENG 8:20

Kai ly khumi kahawi i lam napi nai, leu meitang adyh adawi nai lam y tako bo.

ISAIA 42:16

“Kai ly kaimy i mei kamjuchi ai nichi tako vai y nai lam mang kapahawi ai. Kai ly nichi i mo y, kaveng ai kangvang lawm hai iy, khuleaung lam hawi y nai ai thleaungthlang hai ai. Hinichi kai sa ai; kaso y naimy awm ai ny y.

ISAIA 42:7

Nang ly mei kamjuchi ai mei angvang hai iy, theaung kaveng takunchira y awm nai khumichi ai, law tleaung hai ai.

ISAIA 48:17

Israela chengchi i chai parai nai Tameuh, nangchi ai atleu nai Areng my, “Kai ly nangchi hawi ai nai i vui y patiu pi iy, nangchi tako ai nai lam patei pi nai nangchi i Areng Tameuh ne.

ISAIA 48:22

“Khumi hawi y naichi ly awmnem naira nga ai ny y,” nanai Areng my leu pei bo.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

ISAIA 49:9

Theaung tla nai khumichi teng y, ‘Amy ngaingai theu u!’ nanai py, kaveng theung y awm nai khumichi teng y, ‘Kangvang y theu u!’ nanai py kang thui pi ai. Nichi ly mawi aheungchira y teicha tlai nai beramchi hawi atawm ai.

ISAIA 59:8

Nangchi tym u nai thym khala py, ami py awmnem naira by y. Nangchi i sa nai kalop ngiereichi ly kateng lam ny y. Nangchi ly lam ka-kawi mang y tako u reng. Huni lam y tako nai ngiereichi ly mana khala py, awmnem naira awm ai ny y.

ISAIA 9:2

Kaveng theung y tako nai khumichi ly khri pa-rei angvang nai kangvang niu u bo. Nichi ly dei areng i ka-khui khiu nai pri y awm u teu i py, vai ly nichi i tlang tleaung y kangvang sangso tym hai bo.

JEREMIA 2:6

Kai ly nichi ai Aikupta pri i nai atleu iy, daichi ka-vym jeungrei, khutaha daichi ka-vym, khaileaung angawmchi kawi mang nanai pri, jengha iy ka-jeira nawi nai pri, khumi angso savai tlang naimy khuleaung chei nai khumi by y nai pri y tako prei i, lam kapahawi pi teu i py, nichi ly kai ai dawndan u y.

JEREMIA 6:16

Areng ly mymy i khumichi teng y, “Lam sangumchira y angdo u ly khen u cham. Jangni i lam kangngymchi hau u. Hawi keh nai lam ly ma mang y mo, nanai deng iy, huni lam mang tako baly nangchi i phailo ly tlamsa naira nga ai,” napi. Na i py nichi my, “Huni lam y kaichi abang ai nai ngai y leang!” napi u.

MATTHAI 4:16

kaveng y ateh naichi ly khri pa-rei kangvang niu u i, Deira meingtym hawi ka-khui y ateh naichi i tlang tleaung y kangvang theu bo,” nanai thui nai ly tym thai ai nai sa nai ne.

LUKA 2:32

Kai i mei y kaniu bo,” nanai Tameuh ai palo.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JOHAN 12:46

Ami py kai ai ym nai ngierei ly kaveng y awm jo y ai nai, kai ly kangvang, khaileaung pri y kang jeu nai he.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

JOHAN 9:5

Kai ly khaileaung pri y awm nai khala y ly khaileaung pri i kangvang kai ne,” nanai pathang.

AMTAW 10:36

Naibaly mymy ly Israela kangpreangchi teng y leu taviu nai, awmnem nai Satang Kahawi Isu Krista i labeaung y thui pi nai (mymy ly ati cheaungkhang tleaung y Areng)

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 3:17

Mymychi ly awmnem nai lam py pany y;

EPHESI 5:8

ati mana nai mo nabaly nangchi ly jangni y kaveng ne, na i py vai ly Areng y ly kangvang lawn u bo: