LUKA 1:32 - Khumi Common Language Bible

³² Mymy ly khumi kalen lawn ai i, salo kangteng i Chapo napi ai; Areng Tameuh my mymy i amsi Davida i areng atehra ly pei ai;

LUKA 1:32 Iomraidhean Croise

2 SAMUELA 7:16

Nang i kangpreang ly mana khala py, myh kang y naimy nang i pri ly deungtasa khaw hai jo ai. Nang i peang nai haiho ly mana khala py jum veng ai ny y,’ nanai leu pei nai amti pi,” napi.

SAM 132:11

Nangmy, “Kai ly nang i chapo leaung leaungrei ai samrangra y kapalyn ai; ni ly nang i meingtym amtym ai; nang i chapochi ly kai i Leu Maikawm ai kry iy, kai i leu pei naichi tangai u lawh baly, ni i chapochi py nang i meingtym amtym ai.

SAM 132:12

Samrang lawm iy peang jojo ai nai nga u ai,” nanai nang i miseaung Davida teng y vaineng abeu bo; nang ly huni adeu nai leu ai ajiu ali teang ai ny y.

ISAIA 16:5

Huna nai khala y Davida katu chanau theung i leaungrei naini samrang lyn iy, mipuichi ai ka-ymra, ka-tamenra hawi peang ai. Ni ly kahawi sa ai nai patyh ai ny y; leu meitang naimy tara chih pi ai.)

JEREMIA 17:25

nichi i samrangchi hawi samrang i chapochi ly Jerusalem mary y mary katheu pa-kho mang kun iy, samrang Davida kamta sa thai naira haiho nga u ai. Nichi ly Juda khumichi, Jerusalem mary i khumichi hawi vanrei, keaungngo ka-richi hawi keaungngochi atang iy chei u ai. Jerusalem mary py khumichi kawi aninau naimy awm ai.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

MATTHAI 1:1

Hini ly Isu Krista ampreng nai keungchi i satang ne; mymy ly Davida i kangpreng hawi Abraham i kangpreng ne;

MATTHAI 12:42

Tokalawi mang i samrang nu ly tara chih nai neng khala y ly vai deung i kangthauchi hawi vanrei angthau ai i, nichi ai sum hai ai; ati mana nai mo nabaly mymy ly Solomon i cheng naira tangai ai nai malawn py khuteng taki i dengdairei jeu be; naibaly khen cham, Solomon tleaung y len keh nai ly hi y awm na a.

MATTHAI 28:18

Hunaibaly Isu ly nichi teng y chei i, nichi hawi arum iy, “Kani y hawi khaileaung y py aly peang naira bawibawi ly kai teng y ang pei nai bo.

MATTHAI 3:11

“Kai ly nangchi uikhei ai nai tui hawi baptis kang sa nai teu; na i py kai i nithun y ang jeu ai nai ly kai tleaung y len keh nai ne, kai ly ni i phainai syn ai nai py ataing y leang; mymy ly Phailo Kachai hawi mai hawi baptis ang sa pi ai mang.

MARKA 14:61

Na i py mymy ly katheu y i, ati sai py pathang y. Naibaly pathyp pi nai keung kalen keh nai ly mymy teng y, “Nang ly Krista, Palo nai keung i Chapo ne a?” napi nai deng bi.

MARKA 5:7

naibaly tao pajeng parai pa-rei my aeu nai, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Kai ai patang hai y ai nai Tameuh i amyn y kang takeng nai he,” napi.

LUKA 1:15

Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

LUKA 1:35

Naibaly kani pri i amtaw thau nai my ly pathang i mymy teng y, “Nang i tlang tleaung y Phailo Kachai tym ai i, Salo Kangteng i atiti sa thai naira ly nang ai khiu ai mang; hunai deaungkho y nang i tapen ai nai py kachai, Tameuh i Chapo napi ai.

LUKA 1:76

Ne deang awi, nang ai ly salo Kangteng i amo ang napi ai mang;

LUKA 3:16

“Kai ly nangchi ai tui hawi baptis kang sa nai teu; na i py kai tleaung y len keh nai leaungrei ang jeu ai, kai ly ni i phainai vui su ai nai py ataing y leang: ni my ly Phailo Kachai hawi mai hawi baptis ang sa pi ai mang.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

JOHAN 12:34

Naibaly khumi mipuichi ly ni teng y, “Krista ly deungtasa khairei awm jo ai, nanai Reita theung i nai kaichi thai bo; Khumi i Chapo ai dang ai nai tla, nanai ly ati mana nai sai mo? Hini Khumi i Chapo ly ami mo?” nanai pathang.

JOHAN 6:69

Nang ly Tameuh i Khumi Kachai ne, nanai kaichi ym i, pany py pany bo,” nanai pathang.

AMTAW 16:17

Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

AMTAW 2:30

Ni ly amo ne i, Tameuh my ni i phai bawi kamji khumi ami ai mo ni i areng atehra tleaung y ateh hai ai, nanai vaineng abeu naimy thui, nanai ni ly pany.

AMTAW 2:36

Hunaibaly nangchi i tahen nai Isu ai ly Tameuh my Areng hawi Krista y palawn bo, nanai Israela cheng bawibawi my pany u khypkhyp sy,” napi.

AMTAW 7:48

ati py ne sy Salo Kangteng my ly kiu y sa nai yhm y awm vai y; amo my ly hinai kamta thui i,

ROM AVANGCHI TENG Y PAWLA I CHA PA NAI 1:4

naibaly chai naira phailo mang y ly Tameuh i Chapo ne, nanai ly kadeichi theung i nai angthau bi nai deaungkho y sa thai naira y khri pa-rei pany hai bo; huni ly Isu Krista achi i Areng ne;

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he: