LUKA 1:17 - Khumi Common Language Bible

¹⁷ Naibaly ampochi i paleung ly chanauchi mang y ali hai ai nai hawi, leu tangai y naichi ai khumi kahawichi i cheng naira mang y ali hai ai nai py, Areng i vui y amcheang yb nai khumichi ai angvei hai rym ai nai, Elija i paleung hawi sa thai naira apu naimy Areng i mo y tako ai,” napi.

LUKA 1:17 Iomraidhean Croise

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

1 ARENG KEH 18:18

Elija my, “Patang hai nai keung ly kai ny y, patang hai nai keungchi ly nang hawi nangmy i ampo naini ne. Nang ly Areng i leu pei naichi tangai y naimy, bala i mynchi ai chiu bo.

1 ARENG KEH 21:20

Ahab ly Elija ai niu nai khala, “Kai i paleung ka-e awi, nang ly kai ai ka-vum sa nai a?” nanai deng. Elija my, “Avum bo, nang ly Areng i mei ka-niu y kamngo sa ai nai, nangmy ai nangmy akhai takhra nai deaungkho y, avum ai nai kang jeu nai ne,” napi.

2 ARENG KEH 1:16

samrang teng y, “Areng my thui pi nai ly ‘Israela pri theung y leu deng ai nai tameuh by y nai deaungkho y, Ekron i tameuh Balazebu teng y deng ai nai savaichi pato nai a? Huna nai y nang ly no hawi ali teang ai ny y, dei ai!’ nanai lei ang pei,” napi.

1 NENG SATANG 29:18

Kaichi i amsi pajochi napi nai Abraham, Isaka hawi Jakobchi i Areng Tameuh, hina nai Tameuh teng y paleung apei nai ka-dawn ly nang i khumichi i paleung theung y khaw parai naimy awm hai jojo sy. Nichi ly nang i tlang tleaung y ka-ym awm na sy.

2 NENG SATANG 29:36

Tameuh my hini kalopchi sa kaliki ai nai pei nai deaungkho y, samrang Hezekia hawi khumi mipuichi ly amo theu u na ne.

SAM 10:17

Aw Areng, nang ly paleung apanem nai khumichi i chiu sa nai tangai pi iy, nichi teng y sorai paleung pei ai.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

SAM 78:8

Nichi ly Tameuh i leu tangai y nai hawi, atiu reng nai amsi pajochi kamta lawn u y ai; huni amsi pajochi ly mana khala py, Tameuh ai ym khaw kalingie nai by y; mymy i tlang tleaung y py ka-ym by y jojo.

ISAIA 29:24

Khumi ka-khumchi ly pany thai naira nga u ai. Tangam nai khumichi hawi paleung kyhchaw nai khumichi py, thui parip nai ai amo theu parai naimy tangai u ai.

AMOS 4:12

“Hunai deaungkho y, aw Israela khumichi awi, kai ly nangchi ai kang pajeng ai nai tla ai. Hunai kamta pajeng ai nai deaungkho y, kai i tara chih naira avum ai nai angvei u rym!” napi.

MATTHAI 11:14

Naibaly nangchi ly ym ai nai ngai baly jeu ai nai Elija ly hini ne he.

MATTHAI 14:4

Ati mana nai mo nabaly Johan my ly ni teng y, “Nang ly ni ai lawn ngau y,” napi chum veng bo.

MATTHAI 3:3

Amo Isaia my, “Daichi ka-vym y aeu nai raawi ly,” “Areng i lamlen so u rym ly, Mymy i lam cheaungkhang pataw u,’ napi,” nanai thui nai ly mymy ne he.

MATTHAI 3:4

Naibaly huni Johan ly kula-iu mui akhiu i, akeng y ly mawipeih khobai py akawm; mymy i cha nai ly akhu tama hawi khawi hang ne.

LUKA 1:16

Israela kangpreang neangneangchi ai py mychi i Areng Tameuh teng y ali hai teang ai.

LUKA 1:76

Ne deang awi, nang ai ly salo Kangteng i amo ang napi ai mang;

JOHAN 1:13

nichi ly thi i tapen nai py ny y, tlang i kangai y tapen nai py ny y, khumi i kangai y tapen nai py ny y, Tameuh i tapen nai teu.

JOHAN 1:34

Kai ly niu bo, naibaly hini ly Tameuh i Chapo ne, nanai kapany hai bo,” napi.

JOHAN 3:28

Kai Krista ny y leang, kai ai ni i mo y pato nai ne kana nai ly nangmychi my pany hai nai keung ne.

AMTAW 10:33

Hunai deaungkho y nang teng y khumi kang pato praw nai na a; nang jeu nai deaungkho y avo parai. Hunaibaly Areng my nang teng y leu ang pei nai ngierei pany ai nai, vai Tameuh i mei ka-niu y kaichi bawibawi hi y awm nai bo,’ napi.

ROM AVANGCHI TENG Y PAWLA I CHA PA NAI 9:23

kado theu naira laawm, tama ai ataing naichi i tlang tleaung y ly amnym tanga iy, mymy i kado theu nai hawi mymy i atiti sa thai naira amteng hai ai nai ngai teu iy py, mana sa ai mo?

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

II TIMOTHEI 2:21

Hunai deaungkho y ami py huni atitichi ra y apachai baly, mymy ly tahm asang nai laawm, khai takhra nai, yhmkeung my teaung ai avo nai, atiti sa ai nai cheaungkhangra y angvei rym nai awm khyp ai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I JOHAN 2:28

Hunaibaly bechi awi, mymy ly amteng iy py achi ly mymy i mo y kaji y nai vam parai pa-rei my awm pajau thai ai nai, mymy y awm u jojo.

AMTENG HAI NAI 20:4

Naibaly areng atehrachi kaniu, nichi ly hunichi tleaung y ateh iy tara chih ai nai leu nga bo: naibaly Isu i leu thui pi nai hawi, Tameuh i leu deaungkho y lu tameang nai, mawi kasi ai hawi ni i myn y py chiu y iy, mymychi i lukati y hawi kiu y py huni ka-ma-ra ngo y naichi i phailochi ai ly kaniu: nichi ly heng bi i, saneng sangrei sala y Krista hawi vanrei peang u bo.

1 SAMUELA 7:5

Naibaly Samuela ly Israela cheng bawibawichi teng y, “Kai ly Mizapa mary y nangchi i vui Areng teng y chiu sa ai i, nangchi ly huni mary y angym u,” napi.