LUKA 1:15 - Khumi Common Language Bible

¹⁵ Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

LUKA 1:15 Iomraidhean Croise

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 48:19

Ampo ly ngai y i ni teng y, “Kai pany chy deang awi, Manase i kangpreangchi py khumi kalen lawm ai. Na i py mymy i amnau ly mymy tleaung y khumi kalen keh lawm ai i, ni i kangpreangchi ly khumi cheng kalenchi lawm u ai,” napi.

1 NENG SATANG 17:8

Nang i chei naira tleirei y kai ly nang hawi vanrei awm. Nang i lam y awm nai paleung ka-echi ai kaimy patheu pawn iy eaung hai bo. Khaileaung pri y len keh nai khumichi kamta, nang ai kaimy amyn amthang hai ai.

1 NENG SATANG 29:12

Nang chawn nai hawi yhmtheaung katui nang nai ngiereichi ai, nangmy pei nai ne. Nang ly ati cheaungkhangchi ai sa thai naira haiho hawi peang iy, amimi ai py tahm pasang pi bo.

SAM 22:9

Kai ai patang naira avum hai y naimy, amhm taku theung i dengdairei tapen hai nai keung ly nang ne. Deaungdi chymplei nai khala py, nang ly kai ai chymme naimy khai bo.

JEREMIA 1:5

“Kai ly nang ai hengra kang pei y rai khala my vawi takhra veng bo. Nang ai tapen y rai khala my khai takhra iy khumi cheng cheaungkhangchi i amo lawm ai nai kang khai bo,” nanai kai teng y leu pei.

JEREMIA 35:6

Na i py nichi my, “Rekhab i chapo, kaichi i amsi pajo Jonada my, kaichi ly katu chanau deungrei mana khala py kreip hang nei y ai nai leu pei nai awm i, kaichi ly kreip hang kanei u y.

Levi 10:9

“Nang hawi nang i chapochi ly kreip hang, ti y baly pavui nai amjy nei iy, kai i awmra Tabynako theung y kun u moh. Huna nai sa iy kun u lawh baly, dei u takengkei ai. Hini reita ly nang i kangpreang bawibawichi tangai u ai nai tla.

ZEKHARIAH 9:15

Ati cheaungkhang sa thai nai Areng ly mymy i khumichi ai kry ai; nichi py paleung ka-echi ai eaung ai. Nichi ly cha nei ala nai khumichi kamta, tavai keung y aeu naimy paleung ka-echi ai padei u ai. Huni khumichi i thi ly rahumra i nai maicham salo y leih nai thi kamta leaung ai.

LUKA 1:14

Naibaly nang ly kawn py kawn ai, amo py theu ai; mymy ai tapen nai khala y ly khumi neangneangchi my kawn teang ai.

LUKA 7:28

Kang thui pi, neampachychi i tapen nai theung y ly Johan tleaung y len keh nai by y; na i py Tameuh i peang naira i khumi theang kyh nai py ni tleaung y ly len kyh veng rai.

LUKA 7:33

Baptis sa nai Johan ly ang jeu iy tako py cho y, kreip athai hang py nei y i, ‘Vawinam my nam nai na a hi ly,’ napi u lawh.

JOHAN 5:35

Ni ly angveaung parai nai hawi angvang parai nai maisi yhm ne i, nangchi ly maidenrei ni i kangvang y amo theu ai nai ngai u be.

AMTAW 2:4

Naibaly nichi bawibawi ly Phailo Kachai my kawi bebe i, Phailo my leu katheu hai nai ka-tawm leu takhra takhra katheu u amteaung bo.

KALATIA 1:15

Na i py nei i taku theung i dengdairei kai ai ang takhra hai nai hawi, ni i pahen nai deaungkho y kai ai ang palau nai keung Tameuh my ly,

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

JOSUA 3:7

Areng ly Josua teng y, “Israela chengchi i mo y vaini dengdairei, nang ai kaimy tahm kang pasang ai. Kai ly Mosi hawi vanrei awm nai kamta, nang hawi py vanrei awm, nanai nichi pany u ai.

JOSUA 4:14

Huni kani y Areng i atiti sa pi nai molam y Israela chengchi ly Josua ai lu sa pi nai keung kalen keh, nanai tahm khai u bo. Nichi ly Mosi ai tahm khai nai kamta, Josua ai py mymy heng nai ryrei tahm khai u nai ne.