Levi 9:7 - Khumi Common Language Bible

⁷ Naibaly ni ly Aron teng y, “Nang i kamngo hawi Israela chengchi i kamngo pahen ai nai maicham mang y tapai iy, kamngo pahen nai katalamra py, leng patlum nai kapathypra py talam ai nai tla. Areng my leu pei nai kamta, Israela chengchi i kamngo pahen nai kapathypra talam ai nai tla,” napi.

Levi 9:7 Iomraidhean Croise

Levi 16:11

Aron ly my hawi mymy i yhm dengtheungchi i vui kamngo pahen nai kapathypra talam nai khala y,

Levi 16:24

Ni ly khai takhra nai meingtymra y tui ahiu iy, ateaungchi amthyp teang ai nai tla. Naibaly ni ly maicham mang y tapai iy, mymy i kamngo hawi Israela chengchi i kamngo nai molam, leng patlum nai kapathypra talam ai nai tla.

Levi 16:6

Ni ly my i kamngo hawi mymy i yhm dengtheungchi i kamngo py pahen ai nai si katai talam ai nai tla.

Levi 4:3

Pathyp pi nai keung kalen keh my kamngo sa lawh baly, khumichi i tlang tleaung y raurei kamngo tym hai nai deaungkho y, ni ly kamngo lawira nga ai nai, no-na by y nai si katai beaungjeaung harei hawi Areng teng y apathyp ai nai tla.

Levi 8:34

Nangchi i kamngo pahenra nga ai nai molam, achi i vaini sa nai sai ly Areng my leu pei nai kamta sa nai ne.

Levi 9:2

Naibaly ni ly Aron teng y, “Nang ly no-na by y nai si katai beaungjeaung harei hawi, beram katai harei ai Areng teng y talam ai nai tla. Si katai beaungjeaung ly kamngo pahen nai katalamra hawi beram katai ai ly leng patlum nai katalamra i vui y talam ai nai tla.

HEBRAI 5:1

Khumichi theung i vawi takhra nai pathyp pi nai keung kalen keh ngierei ly kamngo nairachi deaungkho y atiti pei nai hawi apathyp naira talam thai ai nai, Tameuh mang y khumichi i vui atiti sa pi ai nai khai rym nai ne lawh veng:

HEBRAI 5:3

hunai deaungkho y ni ly khumi humchi i vui talam pi nai kamta, amy i vui py kamngo nairachi deaungkho y talam teang ai nai tla.

HEBRAI 9:7

pa-nyh naira y naini pathyp pi nai keung kalen keh harei, amy i vui hawi khumichi i kamngo nairachi i vui y talam pi ai nai thi syn y nai ny y naimy, saneng tleirei y tlenrei kun khyh:

1 SAMUELA 3:14

Hunai deaungkho y mani kapathypra, mani katalamra py, hini hawi y parai nai kamngo lawi pa-rei sa pajau ai ny y, nanai kai ly Eli i dengtheungchi teng y thui pi kheng bo,” napi.